黑色的誘惑

一向知男朋友對「空氣餅」（即係疏乎厘班戟）情有獨中，所以我經常都會留意邊度有得食，仲要多好評先帶佢去，因為佢越食越咀刁。

一身黑色，好酷！

十多張枱

睇到飲品師係度調製飲品

內外都係一身黑色，好酷！地方唔算大，十多張枱，但好整齊，仲有個吧枱位，睇到飲品師係度調製飲品。

菜式唔少

仲幾創新

供應菜式唔少，有意大利粉、沙律、漢堡、飯和多款甜品等，仲幾創新。

 

沙律類

凱撒沙律新鮮爽脆

凱撒沙律 ($92)非常新鮮爽脆，加入脆卜卜嘅麵包粒，鹹香芝士和煙肉條，另上沙律醬，自己鍾意加幾多就加幾多，正合我心意！

自家製蘑菇忌廉汁貓耳朵意粉配慢煮口水雞扒好有創意

貓耳朵意粉口感一流

雞扒肉嫩，香辣惹味

自家製蘑菇忌廉汁貓耳朵意粉配慢煮口水雞扒 （$128）係中西合壁的菜式，好有創意呀！貓耳朵意粉口感一流，好有嚼勁，沾滿香濃嘅蘑菇忌廉汁，煮得入味，再加埋爽口嘅雜菌，非常好味！雞扒煎得金黃，肉嫩入味，香辣惹味，好得！ 

甜品選擇多，又吸引

甜品選擇多，又吸引

焙茶麻糬窩夫配蜜糖脆糖味雪糕冷暖交融，好正！

口感柔韌，焙茶味再重啲就更吸引

焙茶麻糬窩夫配蜜糖脆糖味雪糕（$74）賣相好豐富。窩夫切成小件，好柔韌，唔會太硬，啖啖黑糖味，如果焙茶味再重啲就更吸引。最鍾意將熱辣辣嘅窩芙加埋香甜冰凍嘅蜜糖脆糖味雪糕一齊食，冷暖交融，好正！ 

法式千層酥日式疏乎厘班戟靚到令人興奮

滿充蛋香，唔淋糖漿更好吃

法式千層酥好有牛油香

法式千層酥日式疏乎厘班戟（$96）靚到令人興奮。震震震，好輕盈！滿充蛋香，唔淋糖漿更好吃，加埋香甜嘅忌廉更滋味！法式千層酥都好有驚喜，非常酥脆，好有牛油香，正！ 

部份飲品選擇

百利甜酒朱古力鮮奶咖啡味道甘苦，百利甜酒唔突出

加咗啲朱古力薄片又靚又好味

百利甜酒朱古力鮮奶咖啡（$65）以黑朱古力、百利甜酒、奶和濃縮咖啡調製而成，味道甘苦，濃濃的朱古力味，最鍾意加咗啲朱古力薄片，又靚又好味，但百利甜酒就唔係好夠，味道唔突出。

 

店名：Black Coffee

地址：旺角廣華街3號地下3號舖

一級級刺身

今日千里迢迢入元朗聽講座，趁機約元朗之友吃飯，他知我喜歡吃日本菜，就帶了我來這間小店。

趁機約元朗之友吃飯

有兩行座位

牆壁色彩繽紛

店子長方形格局，有兩行座位，牆壁的油畫色彩繽紛，好吸晴。

QRcode 下單

QRcode 下單

QRcode 下單，有武士之路、日本直送鮮魚、前菜、刺身、壽司、軍艦、卷物、炸物、串燒、主食、飲品等。

**********************

武士之魂刺身盛吃法就是落樓梯

真是又睇得又吃得

活赤貝爽脆鮮美； 活帶子柔軟鮮甜

油甘魚腩啖啖魚香； 牡丹蝦黏滑彈牙

赤身紅潤鮮美；中拖羅鮮香油潤

海膽油潤豐膄；大拖羅極之鮮嫩

必點武士之魂刺身盛 ($438+$48一隻牡丹蝦)，吃法就是落樓梯，刺身越吃越肥美。活赤貝形狀很美，爽脆鮮美； 活帶子柔軟鮮甜； 牡丹蝦大大隻，黏滑彈牙；油甘魚腩𠝹上紋，啖啖魚香；赤身紅潤鮮美；中拖羅雪花般的油脂，鮮香油潤；海膽鮮橙亮麗，甘香鮮美，油潤豐膄；大拖羅滿佈油花，極之鮮嫩，每咬一口都充滿油脂，魚鮮味濃郁，久久留在口腔。

迷你魚生飯相當美味

跟米飯拌勻同吃，美味得很

最後迷你魚生飯亦相當美味，黏滑的吞拿魚蓉配上鹹鮮爆汁的三文魚籽，跟米飯拌勻同吃，美味得很。各款刺身都非常鮮味，優質！

味噌湯唔會太鹹

味噌湯($0)熱度十足，味道剛好，唔會太鹹，內有爽滑的昆布，單而美味。

**********************

花之戀配三文魚籽超級肥美

朋友要了件花之戀配三文魚籽（$35+$15），以三片厚切三文魚捲着，很有份量！三文魚超級肥美，滿佈油脂，加上鮮鹹爆汁的三文魚籽，鮮上加鮮，正！

**********************

蒲燒鰻魚拉麵配血池地獄湯越吃越火辣

鰻魚相當肥美

再來一碗蒲燒鰻魚拉麵配血池地獄湯 （$88+$3），湯底香辣，越吃越火辣，正！拉麵口感不錯，鰻魚相當肥美，沾滿甜甜地的鰻魚燒汁，很美味！

**********************

自家制雞肉棒口感佳

自家制雞肉棒（$38/串）熱辣辣上枱，烹調入味，啖啖肉，夾雜份量剛好的雞軟骨，口感佳！

**********************

燒玉子配吞拿魚沙律柔軟腍嫩 

最後，燒玉子配吞拿魚沙律 （$ 18）熱辣辣，柔軟腍嫩，挺有蛋香，配上沙律醬更美味！

--------------------------------

一級級刺身不單止賣相有創意，連質素都很高，鮮味高質，真是又睇得又吃得。

店名：武士料理

地址：元朗裕榮徑11號好旺大廈地下6號舖 

有得食有得買

逢星期日都要去屯門接爸媽，今日都唔例外，唔同的是今日有男朋友陪，仲一齊食午餐，心情都靚啲。

「月滷」令人心甜的名子

座位唔少

地方闊落

出售台灣特產

我地巧遇一間叫「月滷」嘅台灣店，令人心甜的名子。店子地方闊落，有四行卡座和圓枱，座位唔少。除咗係台式餐廳外，仲有一些台灣特產出售，未飛到去台灣都可俾大家望梅止渴一下。

選擇好多

選擇好多

好豐富呀！

午巿有多款套餐，亦有單點菜式、台灣小吃、蛋餅、滷水、台式飲品等，選擇好多。我地叫了兩份主食、一份蛋餅和兩杯飲品，好豐富呀！

起司肉鬆蛋餅煎得金黃，好靚仔！

捲着滿滿的饀料

起司肉鬆蛋餅 （$42）煎得金黃，捲着滿滿的饀料，好靚仔！厚身的餅皮口感煙韌，中間捲着鹹香嘅肉鬆和芝士，再有些清爽嘅蔬菜平衡一下，配搭很好，食時點下碟上嘅千島醬就更好味，如果加多啲肉鬆就更美味。

辣炸菜爽脆香辣

台鐵滷大雞扒便當整得好入味

肉又嫩又有肉汁

每份主食都配是日前菜($0/跟主食)，今日係辣炸菜，爽脆香辣，用來撈飯一流！台鐵滷大雞扒便當（$56）真係好大塊呀！雞皮炸至脆卜卜，加咗鹹香嘅滷水汁，整得好入味，啲肉就又嫩又有肉汁，加埋蔥油更正。滷蛋都好香好入味。

半筋半肉麵肉質好腍嫩

牛筋油潤滑溜

半筋半肉麵 （$68）配料有清爽嘅小棠菜、甜美的紅蘿蔔和白蘿蔔。牛肉有半筋半肉，亦有全筋，肉質好腍嫩；牛筋有少許肥膏，油潤滑溜，正!

多款台式飲品

小熊珍珠奶茶好可愛，奶茶香滑

小熊溶化其中，更香濃

小熊珍珠奶茶（+$8/跟主食）是限量發售，唔好錯過。奶茶小熊冰好可愛，相信大人細路都鍾意。咦！點解佢沉落去？男朋友好醒，話因為我走咗冰，哈！珍珠好煙韌，奶茶香滑，加上小熊溶化其中，更香濃，好飲。

仙草木瓜牛奶味道甜美

仙草木瓜牛奶（+$8/跟主食）味道甜美，既有木瓜香，又有奶香，啲仙草仲滑嘟嘟，不錯！

 

店名：月滷

地址：屯門大興街1號大興商場1樓L204號舖