快靚正

今晚約咗老公去康城睇破·地獄，點解去咁遠，就係因為可換免費票。點知老公又OT又唔熟路，我地睇7:25pm，佢6:55pm才到，就係同層搵間快食。

睇「破·地獄」

快靚正

整齊企理

坐得舒服

麵店整齊企理，環境光猛，有多張二人枱，亦有圓枱和卡位，都算坐得舒服。 

選擇幾多元化

選擇幾多元化

選擇幾多元化

選擇幾多元化

選擇幾多元化

餐簿設計精美，而選擇都幾多元化，有清湯粉麵飯、咖喱粉麵、擔擔麵、飯類、淨食、酸辣粉麵和飲品。

牛筋擔擔麵味道香濃

牛筋好有膠質

麵條柔韌滑身

牛筋擔擔麵($59)大大碗，黏滑嘅牛筋份量好足，滑嘟嘟，好有膠質；麵條煮得岩岩好，柔韌滑身；湯底不算很杰身，但味道香濃，鹹香中帶點香辣，好味！ 

蠔油芥蘭爽嫩無渣

蠔油芥蘭（$21）粗壯翠綠，爽嫩無渣，蘸少少旁邊的蠔油，添上鹹鮮，不錯！ 

清湯崩沙腩飯清湯鮮美

崩沙腩半肥瘦，口感軟腍

蘿蔔完全無渣

清湯崩沙腩飯（$65+$6）非常抵食！大大件嘅崩沙腩半肥瘦，口感軟腍，牛味香濃，件件都連帶我最喜歡嘅筋膜，正！清湯鮮美，用來撈飯一流！仲有清甜多汁嘅蘿蔔，完全無渣，好腍嫩。

 

店名：天后站清湯腩 (將軍澳)

地址：將軍澳康城路1號The LOHAS康城4樓422號舖

新鮮菠蘿超甜多汁

今晚同老公一齊睇中醫，由5:30到7:50先可以離開，真係餓到肚都扁……第一時間衝去坑口搵食。

衝去坑口搵食

燈光柔和，感覺舒適

餐廳座位不少

餐廳座位不少，有多張二至四人，仲有卡座，燈光柔和，感覺舒適。

附有部分菜式相片，幾吸引!

附有部分菜式相片，幾吸引!

餐牌附有部分菜式相片，幾吸引! 分別有小食、沙律、湯類、海鮮類、肉類、咖哩類、粉麵飯、蔬菜類、甜品和多款飲品。 

新鮮菠蘿海鮮炒飯用原個菠蘿裝住

整體味道吸引，菠蘿超甜多汁

用料好豐富

新鮮菠蘿海鮮炒飯 ($128) 用原個菠蘿裝住，喜歡! 炒得乾身，唔油膩，加咗三色豆、雞蛋碎 、新鮮菠蘿粒 、泰式臘腸、蝦仁、魷魚、青口、提子乾同炒， 面頭仲有豬肉鬆、腰果， 好豐富。 整體味道吸引，菠蘿超甜多汁，正! 

馬拉盞炒雜菜有多款蔬菜，豐富!

唔算太鹹和太油

爽口鮮嫩

馬拉盞炒雜菜 ($78)有多款蔬菜，相當豐富! 分別有椰菜、西蘭花、椰菜花、芥蘭、娃娃菜、粟米芯、甘荀、雜菌、紅椒等，爽口鮮嫩，以馬拉盞醬拌炒，味道稍稍鹹香，唔算太鹹和太油，好岩我口味。 

鹽燒烏頭熱辣辣

鹹鮮有致

魚肉鮮嫩

點些泰式酸辣汁，更有風味

鹽燒烏頭 ($138)即點即製，熱辣辣。魚面舖滿粗鹽，魚肚藏滿香茅、南薑等配料，而魚底則墊了椰菜絲和生菜，吸去油份之餘, 亦可中和鹹味。魚肉鮮嫩，雖以鹽燒炮製，但鹹香又唔失鮮味，鹹鮮有致，再點些泰式酸辣汁，更有泰式風味，正!

 

店名：泰國婆

地址：將軍澳坑口重華路8號東港城2樓238號舖

101

今日相約老公去觀塘海濱花園野餐，係一個新體驗。已準備了pizza、沙律和甜品，還欠飲品…

主打鮮果茶

多款選擇

途經見到這間飲品店，主打鮮果茶，岩晒我！除咗有鮮果茶系列，仲有清爽冰茶、爆打檸檬茶、鮮果甘露、茶香奶茶和咖啡。每款飲品都可揀甜度和冰度，仲可加配料。

 

兩款杯子設計很有趣

兩款杯子的設計都很搶眼，又有趣，見到就開心！

牛油果甘露又飽肚又健康之選

用料相當豐富

牛油果甘露($38/500ml)很少見，選了微糖去冰。內有香滑嘅牛油果蓉外，仲有脆波波和芒果粒，相當豐富！係杯又飽肚又健康之選。3分甜度最適合，能嚐到牛油果味香味。

 

蜜桃冰茶啖啖茶嘅甘香

有蜜桃嘅甜美

蜜桃冰茶($36/700ml)係半糖去冰，啖啖茶嘅甘香，亦有蜜桃嘅甜美，好夾！

有101分

店子服務和飲物都有101分，滿意！

 

店名：壹檸壹鮮果茶

地址：觀塘開源道63號福昌大廈地下A9號舖

中學的回憶

看到一張張學生枱櫈就令我想起中學的時光，是學習生涯？友與情？也不是！是我的暗戀日子….

給我中學的回憶

店子整齊企理

四張四張返學枱排成一起

店子整齊企理，四張四張返學枱排成一起，燈光柔和，環境舒適，除咗係食嘢聊天的好地方，也是自修的好地方。

選擇唔少

選擇唔少

選擇唔少

選擇唔少

選擇唔少，有二人套餐、主食、拼盤、沙律、小食、飲品和甜品。

脆炸軟殻蟹肉燥飯好有霸氣！

加埋一些爽口嘅中華沙律，好夾！

軟殻蟹炸得金黃，酥脆鹹香

肉燥飯啖啖豬油香

脆炸軟殻蟹肉燥飯（$158）將原隻軟殻蟹放在飯面，好有霸氣！炸得金黃，靚仔！酥脆鹹香，加埋一些爽口嘅中華沙律，好夾！肉燥飯沾滿醬油，仲有大量油潤嘅肥膏，啖啖豬油香，鹹香入味，風味十足！

熱四季烏龍茶甘香順喉

一解油膩

熱四季烏龍茶（$15/跟餐）甘香順喉，一解油膩，最佳配搭！

坐在這間Times coffee「課室」讓我回憶一幕幕中學暗戀時光，連「他」的樣子、名字也想出來，原來一直難以忘記….

 

店名：Times Coffee

地址：觀塘興業街18號美興工業大廈A座1樓C1室