好事成雙

老公今日生日，係我地結婚之後他的第一個生日，本想悉心安排，但他一點要求都沒有，只想兩人簡簡單單享受一頓晚餐….好的！知道他最喜歡疏乎厘班戟，所以book咗它。

享受一頓美味的生日晚餐

環境優雅，很有情調

坐得舒適自在

餐廳環境優雅，燈光柔和，很有情調，地方相當闊落，有舒適的長梳化座、寬敞的半U形梳化座和多張四人枱，坐得舒適自在。 

全是單點，選擇多

全是單點，選擇多

全是單點，選擇多

全是單點，選擇多

全是單點，選擇多

全是單點，選擇多

暢飲時段

晚巿全是單點，選擇多，有前菜、To share、肉類、意粉、甜品、梳乎厘班戟、雞尾酒、碎冰、咖啡、特飲等。

和風蜜糖柚子醋大蝦西柚海帶芽沙律色彩繽紛，見到都開胃

又醒胃又美味，仲好健康！

和風蜜糖柚子醋大蝦西柚海帶芽沙律（$98）好大碟，色彩繽紛，見到都開胃。除咗有清爽嘅沙律菜外，仲有爽口嘅海帶芽、紫洋蔥、蘿蔔、 青瓜和車厘茄；鮮甜彈牙嘅大蝦；酸甜多汁嘅西柚，拌埋甘香嘅芝麻和酸甜嘅蜜糖柚子醋，又醒胃又美味，仲好豐富健康！

慢煮牛肩胛肉啖啖香濃嘅肉汁，優質！

用小火具保暖，真細心

腍嫩油潤，好好食

老公喜歡肉肉肉，揀咗慢煮牛肩胛肉（$208)。用嗰小火具保暖，真細心，欣賞! 肉色有些粉紅，但完全無血水，好靚！唔單止腍嫩油潤，仲啖啖香濃嘅肉汁，優質！本身已好有牛香，不用點醬都好好食，但都可配香草醬、燒汁、鹽或炸蒜片一齊食，各有特色。

明太子忌廉大蝦意粉沾滿明太子忌廉醬

鹹鮮微辣，很美味

大蝦彈牙鮮味

明太子忌廉大蝦意粉（$148）熱辣辣出場。全碟沾滿明太子忌廉醬，鹹鮮微辣，很美味。多隻大蝦彈牙鮮味，好吃！ 

焙茶忌廉配新鮮提子梳乎厘班戟味道香濃 

芝麻忌廉配豆腐芝士忌廉梳乎厘班戟好夾，又有特色

輪到老公最愛的梳乎厘班戟出場，好事成雙，點咗兩份pancake，知佢一份一定唔夠喉。揀咗焙茶忌廉配新鮮提子梳乎厘班戟 ($128/2件)和芝麻忌廉配豆腐芝士忌廉梳乎厘班戟($118/2件)，兩款都非常輕盈鬆軟，滿充蛋香，所淋上的焙茶忌廉和芝麻忌廉都極之香滑。

非常輕盈鬆軟

滿充蛋香

前者啖啖焙茶味，味道香濃，配上新鮮甜美嘅提子和藍莓好夾；後者甘香嘅芝麻味極濃，配上豆味濃濃嘅豆腐芝士忌廉都好夾，又有特色。吃完兩款梳乎厘班戟，老公大滿足! 

Stellar 啤酒冰涼透心，爽呀！

Hot Baileys Coffee比例岩岩好

老公話生日緊係要啤一啤，要杯Stellar 啤酒 （$78），冰涼透心，爽呀！我都要返杯酒同佢慶祝，但唔係啤酒，係杯Hot Baileys Coffee（$48），靚靚嘅心形嘅拉花圖案送給老公，哈！入口順滑，甜酒與咖啡的比例岩岩好，每啖都有咖啡的香濃，亦有甜酒的甜美，好好飲！

 

 

店名：NATA - Steak, Wine & Cocktail

地址：觀塘巧明街107號國基集團中心4樓1號舖