平快正

雖然已好聽話多Stay at home, 但有必要時都要出下去，如買定幾日餸菜，還有一星期一次睇中醫，仲要千里迢迢去到葵芳，雖不太想，但又必要，有時都幾掙扎。

平快正

每枱的距離都甚遠

這店地方闊落

這位中醫都幾旺，預約了時間還要等，至於等幾耐就…睇下好唔好彩啦! 今日就…差不多攪到6:00pm多，所以決意不回家煮。葵芳食肆雲集，不知是否公眾假期，人流都唔少，雖然這店地方闊落，而每枱的距離都甚遠，但一見到外賣區，就把心一橫，還是外賣回家安心一點。

餐簿整到秘笈咁，有趣!

飲品

推介、糖水、多款小食

飯餐

特色麵和滷水系列

多款小食

外賣專區

很欣賞店子劃分了一個外賣專區，客人唔駛聚集一齊，清清楚楚。看看餐簿，真係整到秘笈咁，有趣!分別有麵套餐、飲品、推介、糖水、多款小食、飯餐、香港特色、特色麵和滷水系列等，另有張外賣專用單餐紙。

3餸麵套餐送熱餐飲、多一款配料、一客客蔬菜

揀了一份3餸麵套餐送熱餐飲($46)，另加多一款配料($8/一款)。套餐的主食除了可揀粉麵飯外，還有腸粉，正合我心意。配料有很多選擇，足足有五十多款，今日選了腸粉配滷水蛋、滷水豆腐和蘿蔔($46)，再加魚肉春卷(+$8)，而飲品就要凍豆漿(+$3)，當然要加多客蔬菜。

外賣盒分了兩格，讚!

混醬腸粉加埋蔥花和辣菜甫更正

腸粉滑嘟嘟

腸粉必定要混醬先好食，所以很喜歡嗰外賣盒分了兩格，一格放腸粉，一格放配料，咁啲醬汁和滷水汁就唔會撈埋，讚!。腸粉滑嘟嘟，配上甜醬、麻醬和甜豉油已好味，但原來加埋蔥花和辣菜甫更正，菜甫辣度十足，令腸粉吃起來更惹味。

滷水蛋軟硬度適中

滷水豆腐相當入味

兩款滷水都討我喜歡，滷水蛋軟硬度適中，富有蛋香；滷水豆腐就嚐到豆香，兩者都滷得相當入味，但又不會太鹹。

蘿蔔腍嫩多汁

魚肉春卷不乾身不油膩

蘿蔔舊舊厚切，腍嫩無渣，多汁清甜，是我個人推介之一；還有魚肉春卷，味道稍稍鹹香，不乾身不油膩。

******************************

韭菜配上腩汁更添美味

翠綠爽嫩

蔬菜有生菜和韭菜選擇，今日揀了後者。一客韭菜($18)分量都好足，條條翠綠爽嫩，富獨有的香味，配上腩汁更添美味。

******************************

凍豆漿甜度岩岩好，亦有豆香

凍豆漿(+$3)是樽裝，方便外賣攜帶，更好! 是豆美味品牌，一支380毫升，低糖原味，甜度岩岩好，亦有豆香，好飲!

---------------------------------------

平時真係好少外賣，但現在外出吃飯真係有很多要考慮的事情，今日揀外賣車仔麵，由落到拎走都唔駛好耐，快來快走，價錢又經濟實惠，真係平快正，正合我心意，下次來睇中醫可再考慮。

店名：孖寶車仔麵

地點：葵芳葵富路7號葵涌廣場地下A15號舖