一串又一串

已有一段時間沒有做facial，皆因太懶，唔想千里迢迢出去銅鑼灣，但見到自己的皮膚越來越差…..今日決定扚起心肝。

主打串燒的居酒屋

裝潢挺有特色

整齊企理

難得出開銅鑼灣，當然要逛街兼食餐好。血拼之前先醫肚，來到全憧都係食肆的澳門逸園中心，揀了這間主打串燒的居酒屋。店子門面和內裏裝潢挺有特色，吧枱位置上擺放了不同種類的日本酒，四處掛上日式門布、貼了日式海報等等，設計成一間居酒屋，富有心思。右邊是 “L” 字的吧枱連師傅們工作區；右邊設有多張二至四人枱，整齊企理。

午巿十三款定食

午巿供應A至M共十三款定食，每款均配有前菜、茶碗蒸和吸物，而價錢則由$78-$268。

******************************

三款配菜

茶碗蒸挺滑溜

不用久等，一次過上齊三款配菜，先嚐茶碗蒸，暖笠笠上枱，陣陣蛋香。雞蛋蒸得挺滑溜，配上少許海鮮粒，調味合宜。

蜆肉麵豉湯味道剛好

蜆肉麵豉湯熱辣辣， 內有爽滑的昆布和滑溜的豆腐粒，還有一隻鮮甜的蜆仔。呷一口，味道剛好， 正合我口味。

胡麻秋葵最佳拍檔

前菜有三款選擇，我揀了胡麻秋葵。秋葵保持翠綠脆嫩，配上香濃的胡麻醬，兩者是最佳拍檔，可惜份量略為少，唔夠喉添！

******************************

印有「大人氣」

極尚6本配一碗白飯

店子主打串燒，當然不能錯過，就揀印有「大人氣」的極尚6本 Signature 6 kinds assorted ($268)配一碗白飯（指定少飯） 。六款包有鵝肝、露荀豬肉卷、鹽燒牛肉、銀鱈魚、薩摩雞翼一夜干和冬菇，但由於唔食內臟，故剔走鵝肝，免得浪費。

銀鱈魚肉質鮮嫩，油脂中等

魚皮香脆可口

即燒即上枱，熱辣辣。魚痴當然先食銀鱈魚，四周都燒得金黃，魚皮香脆可口，鹹香滋味，正！潔白的魚肉並沒有散爛，肉質鮮嫩，油脂中等，調味剛好，鹹鮮有至，不失魚香。

燒冬菇爽口肉嫩

接着是燒冬菇 ，一串只有一隻半，又唔夠喉啦！中等大小的鮮冬菇，菇身雖不算厚身，但爽口肉嫩，且滿有菇香。

鹽燒牛肉牛味香濃

輪到鹽燒牛肉，大小厚薄中等，肉身帶點粉紅，口感扎實，但絕不嚡口，亦存些肉汁。牛味香濃，加了鹽和黑胡椒調味，簡簡單單不失牛香。

露荀豬肉卷配搭合宜

還有一串三卷的露荀豬肉卷，薄身的豬肉片燒得金黃香口，帶些油潤甘香的肥膏，肥瘦合宜，不會太過肥膩，加上中間捲着鮮嫩爽口的露筍段，以清新的味道中和豚肉的鹹香和油份，配搭合宜。

薩摩雞翼一夜干肉嫩鹹香

最後是薩摩雞翼一夜干，外表燒至金黃色，當相靚仔！雞皮香脆可口，又有雞油香，連平時少食雞皮的我都忍唔住…肉嫩鹹香，用來佐白飯一流。

-----------------------------------

即點即燒，熱辣辣，香噴噴，真的令人忍不住一串又一串放入口，眨眼就把它們吃光了，哈!

 

店名：鳥居居酒屋

地址：銅鑼灣軒尼詩道525號澳門逸園中心17樓