好足料

定時都要去石門做針炙，最近介紹了同事一齊去，唔單止有順風車坐，車途上有傾有講，有人陪伴的感覺的確很不同….針炙後還請車主飲返杯飲品消暑添!

一身蘋果綠，很吸我睛

整齊企理，感覺舒適

京瑞廣場食肆雲集，在一期發現這間台式飲品小店，它一身蘋果綠，是我最喜歡的顏色，所以很吸我睛，哈! 店子小小，但整齊企理，牆上掛了一幅幅飲品的大相片，近收銀處就擺放了幾盆綠色小盆栽，給人的舒適的感覺。

六個系列

六個系列

店子雖小，但選擇唔少

看看餐牌，共有六個系列，包括Low Caffeine、Matcha Menu、Chocolate Menu、Tea Menu、Raw Sugar、Coffee Menu和Fruit Menu，而部分飲品仲可配不同的Topping。店子雖小，但選擇唔少。

**********************

凍熱情Orange大大杯，仲用料十足

我和朋友都看中Fruit Menu，我點了一杯凍熱情Orange Ice Fresh Tea with Passion Fruit & Orange ($35)，大大杯，仲用料十足，滿滿的熱情果之餘，還加了兩大片新鮮的香橙，好滿足!

滿滿的熱情果

酸酸甜甜，開胃神醒

啜一口，冰涼透心，味道酸酸甜甜，甜度岩好，開胃神醒，的確是夏日之選。最喜歡是邊喝邊咬熱情果籽，卜卜聲好過癮，唔止咁簡單，仲有不少熱量低的蒟蒻水晶波，飽肚之餘，亦口感十足。

**********************

凍白桃鮮茶充滿桃香，仲啖啖桃

鮮果甜美

蒟蒻水晶波飽腹兼低熱量

朋友要了一杯凍白桃鮮茶 Ice Fresh Tea with Peach ($40)，粉紅色的賣相，迷了不少少女心。眼見店員用上不少鮮白桃打製而成，難怪友人話充滿桃香，仲啖啖桃蓉，鮮果甜美，加上亦有大量飽腹兼低熱量的蒟蒻水晶波，令他喝得非常滿足。

---------------------------------

其實一杯好足料的飲品真係好頂肚，飽到回家只吃份三文治當晚餐已足夠，哈!

 

店名：November

地址：沙田石門安群街3號京瑞廣場一期 2樓279號舖