搵食

終於下定決心買返部新notebook，一向少去高登的我真係有啲頭痕，幸好有友人介紹，終於順利買到部合適的，Yeah! 攪下攪下都兩點幾，在等候取貨期間，當然要填飽嗰肚。 

門面設計感覺挺高格調

一邊顯示是menu

一邊顯示各款菜式的相片

逛下逛下，行到這條較靜的街巷，而它在街巷中變得別樹一幟。餐廳門面設計感覺挺高格調，兩邊牆都鑲了電子版螢幕，一邊顯示是menu，一邊顯示各款菜式的相片，吸引了不少途人註腳細閱，我也是其中一個。

 

感覺寬敞舒適

樓底挺高

走進內裏，灰泥牆身鑲上數塊電子版螢幕，不斷播放着各款菜式相片，配串串閃燈，加上樓底挺高，感覺寬敞舒適。

 

午巿套餐

扒類套餐

細閱餐牌，有扒類套餐、午巿套餐、飲品、甜品和薯條，而我就睇中午巿套餐，貪佢夠多選擇。最欣賞是餐牌上註明各款菜式的用料，讓食客可清楚知道是否岩自己口味。

 ***************

炙燒吞拿魚至尊沙律色彩豐富，令人胃口大開 

點了一客炙燒吞拿魚至尊沙律 Supreme Salad with Torched Tuna ($70)，成品相當豐富，足足有九款食材，包括有牛油生菜、菠菜仔、羽衣甘藍、櫻桃蘿蔔、紅蘿蔔、紫椰菜、雞蛋、白藜麥和炙燒吞拿魚，排得整整齊齊，面頭再淋上滿滿的蜂蜜芥末醬，色彩豐富，見到就令人胃口大開。

藜麥有咬口得來又不會太乾硬

蔬菜都非常新鮮清爽

吃前先拌勻醬汁，沾滿各食材，甜中帶微辣，味道特別，醒胃美味。各蔬菜都非常新鮮清爽，而白藜麥亦煮得剛好，有咬口得來又不會太乾硬。

炙燒吞拿魚柔軟腍嫩

主角係炙燒吞拿魚，切成長方形，片片厚度和大小相若，肉心呈鮮紅，肉質柔軟腍嫩，味道挺鮮味，蘸上蜜糖芥末醬，味道幾夾。

************

洋甘菊茶清幽甘香

午餐包一杯即磨咖啡或一罐汽水，或可另加錢轉不同飲品。我就選了一杯洋甘菊茶 Chamomile Tea (+$10)來伴甜品，最適合不過。茶色淺淡，味道清幽甘香，加幾次水都仲好有味道。

************

委內瑞拉特濃朱古力蛋糕共有三層，口感豐富

甜品有四款選擇，第一時間睇中委內瑞拉特濃朱古力蛋糕 Le Tout Chocolate Cake（$40），賣相相當吸引，共有三層。底層是硬脆餅乾，中間是混了脆餅的朱古力蛋糕，配埋頂層的特濃朱古力慕絲，口感豐富，非常濃郁，味道甜味，正！

************

北海道哈密瓜切卷糕身非常鬆軟

忌廉又香又滑，蜜瓜味突出

竟發現有友人一直想食但買唔到的北海道哈密瓜切卷 （$30），故決定打包一份給他。咦！？竟有三件，當然自己先偷食一件，哈！糕身非常鬆軟，中間捲着的忌廉又香又滑，蜜瓜味突出，甜度適中，好吃！友人有口福了！

-----------------------------

去到深水埗除了搵電腦、搵電器、搵玩具、搵衫之外，也是搵食的好地方，今日竟在小街巷中發現這間有質素的西餐廳，搵食和搵電腦的任務都好成功。

 

店名：Supreme Steak & Grill

地址：深水埗福榮街161號永邦樓地舖