友人知我近排有煩惱，所以專登入來寶琳請我吃頓豐富的晚餐，因為佢知我吃好嘢就可以開心啲，當然也會靠佢把口開解我。
 |
| 大人細路都喜愛的Bear Bear 熊餐廳 |
 |
| 啤啤熊坐在門口歡迎大家 |
原來朋友帶我去這間大人細路都喜愛的Bear Bear 熊餐廳，讓Bear Bear 熊逗我笑。之前都來過，裝潢沒有變動，同樣一入門口就有隻巨大的啤啤熊毛公仔坐在門口歡迎大家，馬上笑了！
 |
| 選擇不少 |
 |
| 品味新嚐 |
 |
| Classic Sizzling Plate Set |
 |
| 單點菜式 |
 |
| 單點菜式 |
環境無變，但菜式就有少許不同，有品味新嚐、Classic Sizzling Plate Set，還有單點菜式，包括有沙律頭盤、湯、意大利麵/飯、型廚推介、飲品和甜品，選擇不少。而單點菜式再加不同的價錢就有不同的套餐配搭，可吃得更豐富。
*********************
 |
| 粟米沙律清新健康，簡單而美味 |
我揀了一客羅勒海鮮繽紛天使麵加配
是日沙律 Salad of today 及飲品Coffee/Tea(+$25)。先上粟米沙律，新鮮爽嫩的雜沙律菜配了清甜的車厘茄和清甜的粟米粒，淋了少少醋汁，清新健康，簡單而美味。
 |
| 羅勒海鮮繽紛天使麵份量好足 |
羅勒海鮮繽紛天使麵 Basil seafood angel hair ($118)以鑊仔盛載上枱，更有風味。滿滿一大盆天使麵，仲配有不少海鮮和車厘茄，份量好足。
 |
| 掛上香草醬，味道幾香 |
 |
| 有大蝦 |
 |
| 最喜歡係青口，肉質嫩 |
一向都覺得幼長的天使麵煮製時間難以掌握，往往會弄至過份腍身而散爛，但這客天使麵條條分明，口感不錯，並無散爛，仍存咬口。每條掛上香草醬，份量平均，味道幾香，不錯！海鮮有青口、魷魚、蝦和帶子，各款味道都不錯，最喜歡係青口，中等size，肉質嫩。
*********************
 |
| 羅宋湯配牛油蒜蓉法包好適合 |
 |
| 湯料豐富，酸茄味濃郁 |
友人揀了一份鐵板牛柳配吉列魚柳，配有是日餐湯和餐飲。先上歐陸式濃湯配牛油蒜蓉法包，是日為羅宋湯，熱辣辣上枱，散發着陣酸香。稀稠度適中，味道濃郁，以不少的蔬菜烹調，有西芹、椰菜、甘荀條、洋蔥等等，仲有牛肉，湯料豐富，酸茄味濃郁，酸咪咪的味道，越喝越開胃，好喝！旁邊的牛油蒜蓉法包烤得金黃，外香脆內軟熟，滿有牛油蒜香，用來佐羅宋湯好適合。 |
| 鐵板牛柳配吉列魚柳份量十足 |
 |
| 淋上燒汁，聽到響亮的喳喳聲 |
鐵板牛柳配吉列魚柳 Grilled Beef Fillet and fish cutlet （$155）隨即上枱。趁熱淋上燒汁，聽到響亮的喳喳聲，簡直先聲奪人。除了有一大件牛柳外，仲有兩大件吉列魚柳、一卷煙肉四季豆和不少薯菜，份量十足。
 |
| 肉質嫩滑，牛味濃郁 |
牛柳指定7成熟，但一切開就知有多腍嫩，內裏微微的粉紅，富有肉汁，肉質嫩滑，牛味濃郁，配上燒汁，味道鹹香，配搭不錯，但其實不作添加已挺美味！
 |
| 外香脆可口，內肉潔白嫩滑 |
吉列魚柳炸得金黃，色澤平均，相當靚仔。炸至外香脆可口，內肉保持潔白嫩滑，亦有魚香，仲熱辣辣，讚！薯菜也不錯，粗薯條條條炸得金黃，色澤平均，熱辣辣兼香脆，加上不會吃致滿手滿口油淋淋，不覺太油膩，好吃！
*********************
 |
| 自家製心太軟配雪糕非常抵 |
 |
| 外層鬆軟，內裏濕潤，朱古力味香濃 |
心情馬馬當然要食啲甜嘢，我要了一客
自家製心太軟 Home-made Hot Chocolate cake (+$29)，再打算加一球
雪糕（$16），點知原來like 本店Facebook 可買一送一，抵！朱古力心太軟灑上糖霜，配上甜忌廉和香桃粒，再淋上朱古力醬。輕輕把心太軟切開， 朱古力醬馬上湧出，稍為稀身。暖笠笠的蛋糕外層鬆軟，內裏濕潤，朱古力味香濃，伴上香滑的忌廉同吃添美味。
 |
| 雪豆腐糕滿有豆腐香，教人回味 |
雪糕(+$16/買一送一)圓碌碌一大球，用了朱古力醬和彩虹朱古力針作點綴。友人要朱古力味雪糕，話朱古力味濃，而我就喜歡豆腐味，啖啖滿有豆腐香，教人回味，滿足！
*********************
 |
| 熱情玫瑰酸咪咪，消滯解渴 |
餐飲方面，友人要增加維他命C，故簡簡單單點了一杯
檸檬水($0)，清新開膩。而我一向愛熱情果，所以
熱情玫瑰 Passion Fruit Rose Tea (+$16 跟餐/原價$28)是最好的選擇。入口暖笠笠，酸咪咪的熱情果配埋玖瑰花茶，簡直消滯解渴。
--------------------------
吃完傾完，雖事情還未解決，但有朋友陪伴，傾吓食吓，得到一點釋懷，真的想講句「有你多好」，謝謝！
店名：熊小館
地址：將軍澳貿業路8號新都城中心二期2樓2086-2087號舖
沒有留言:
張貼留言