一向回家探兩老都會斬料加餸，但今日回家的時候特別一點，正是3點3，就在轉車地方外賣些小食一齊下午茶吧！
挺有傳統風味 有風味的小食 有風味的小食
葵涌廣場食肆雲集，總會買到嘢，只是睇下有冇啲新店或特式食品吸引到我。這間掛上「古法」、「老祖」字眼的小店挺有傳統風味，仲有老媽喜愛的蘿蔔糕和老爸喜歡的糭仔，岩晒！
 |
| 店小小，選擇唔少 |
選擇唔少 選擇唔少
別看店小小，選擇都唔少。有飯、瀨粉、糭、多士、蘿蔔糕、腸粉、燒賣、炸物等等，連糖水都有，唔錯！左想右想，最後要了一客炸黑毛豬肉粽（自家製）送可口可樂、一客淨老祖黑松露炒蛋（日本蛋）、一客爆炒XO醬蘿蔔糕（自家製）和老祖紅豆孖沙一樽。
***************************
炸黑毛豬肉粽（自家製）炸至金黃，好靚仔！ 熱辣辣，香噴噴
外香脆，內軟綿香糯
外層非常香脆可口，內裏軟綿香糯，加上用了黑毛豬肉取代燒腩肉，肉香更甚、肉質更腍嫩，亦沒有夾雜大量肥膏，岩晒兩老！老爸邊吃邊說又特別又吃。
***************************
淨老祖黑松露炒蛋（日本蛋）香氣撲鼻，正！ 仍存蛋汁，鮮香滑溜
一打開淨老祖黑松露炒蛋（日本蛋）（$28）盒蓋，黑松露香氣撲鼻，正！炒弄時間剛好，仍存蛋汁，鮮香滑溜，黑松露遍佈平均，兩者比例剛好，啖啖黑松露的幽香之餘，亦富有蛋香，好吃！
***************************
爆炒XO醬蘿蔔糕（自家製）可一啖一口 幾足料，口感有點彈性 XO醬添些香辣，鹹香惹味
爆炒XO醬蘿蔔糕（自家製）（$38）已切成一粒粒正方形，啲啲骰骰，可一啖一口。蘿蔔糕都幾足料，口感有點彈性，自家製果然風味不同，加上用了有魚乾仔、蝦米、元貝等用料十足的XO醬爆炒，炒至蘿蔔糕有些焦香，亦添些香辣，鹹香惹味，十分滋味！
***************************
老祖紅豆孖沙煲至起沙粉綿
老祖紅豆孖沙（跟餐+$20）以玻璃樽盛載，挺有新意！紅豆煲至起沙粉綿，仲吃到果皮香，甜度適中，味道美味。
--------------------------------
「古法」、「老祖」的自家製法果然零舍不同，滿有小店風味，正是它獨特之處。
店名：西關老祖
地址：葵芳葵富路7號葵涌廣場2樓2003號舖
沒有留言:
張貼留言