真抵食！

已經決定逢星期一都要出街食晚飯，因為每個星期一都忙到嘔，讓每個Blue Monday變成Happy Monday 的最好方法就係食餐好，而今晚就約咗個長輩去酒樓晚餐。

地下是茶餐廳，上層是酒樓

地方都幾寬敞闊落

有魚缸養着新鮮海鮮

原來這間酒樓地下是茶餐廳，上層是酒樓。門面夠晒大，而紅燈光的招牌亦相當搶眼。乘𨋢往上層，內裏環境光猛，跟般酒樓的格局相若，設有多張四人圓枱，亦有數張大圓枱，地方都幾寬敞闊落。

各份餐牌

各份餐牌

「晚巿必叫5款」優惠

細閱枱上各份餐牌，有明爐燒味、合時煲仔菜、中式名廚主理、馳名避風塘、套餐寶等，而最吸引我倆就是「晚巿必叫5款」優惠。

**************

淋啲豉油，伴些薑絲蔥花更好味

清蒸青斑仔超值抵食

魚腩位相當肥美，滑嘟嘟

好有肉，魚肉一片片

蒸得合時，白滑鮮味

「晚巿必叫5款」優惠中，全是海鮮，真係好吸引，不過….當然按每枱人數定。我和友人都是魚痴，一齊決定要條超值抵食的清蒸青斑仔（$38/條）。青斑仔即點即蒸，熱辣辣上枱。雖話係青斑仔，但都唔算細，好有肉，魚肉一片片，蒸得合時，白滑鮮味，淋啲豉油，伴些薑絲蔥花更好味！最喜歡當然是魚腩位，相當肥美，滑嘟嘟。

**************

蒜蓉炒油麥菜保持色澤翠綠

爽嫩無渣，蒜香味十足

另點一碟蒜蓉炒油麥菜（$68）。油麥菜炒得夠鑊氣，保持色澤翠綠，爽嫩無渣，下了不少蒜粒，蒜香味十足，又唔鹹，如果少啲油就更好。

-----------------------

別以為將價就貨，價格雖然好抵，但質素都很好，絕不欺場，真抵食！

店名：鴻圖樓茶餐廳

地址：觀塘鴻圖道30號2至3樓