Good good good

男朋友話發現屋企附近有間靚餐廳，今晚想一齊去試下，難得佢主動覓食，當然支持！ 

餐廳在戶外，掛滿燈串

張張枱都好大，坐得好舒服

餐廳在戶外，掛滿燈串，好有大自然氣息，好feel! 用餐有室外和室內，地方寬敞，張張枱都好大，坐得好舒服，加埋輕快嘅音樂，心情都輕鬆晒！ 

單點

單點

二人套餐

有套餐和單點，二人套餐 （$498）樣樣有得揀，先是老闆，仲唔駛諗咁多。

泰式魚餅好彈牙

點啲泰式甜酸醬仲正

小食揀了泰式魚餅，熱辣辣，好彈牙，香辣惹味，點啲泰式甜酸醬仲正。 

冬陰功湯酸酸辣辣，好味!

用料豐富

大蝦啲肉彈牙

湯二選一，當然要火辣辣的冬陰功湯，湯底好香濃，酸酸辣辣，好味!用料豐富，最吸引係兩隻大蝦，啲肉彈牙，滋味！ 

青咖喱牛肉味道香濃

牛肉腍嫩

青咖喱牛肉味道香濃，辣度中等，加入不少配菜， 有大量豆角、泰式茄子、紅椒，當然仲有腍嫩啲牛肉，沾滿咖喱醬汁，越吃越滋味，用嚟撈飯就正！ 

菠蘿海鮮炒飯好豐富

炒得乾身，唔油膩

主食就要菠蘿海鮮炒飯 （+$18），炒得乾身，唔油膩，不錯!加咗三色豆、雞蛋碎 、菠蘿粒 、泰式臘腸、蝦仁、魷魚、青口、提子乾同炒， 旁邊仲有豬肉鬆、腰果，同埋甜美多汁嘅鮮菠蘿， 好豐富。 

椰汁西米糕啖啖椰子香

揀椰汁西米糕做甜品，啖啖椰子香，西米彈牙，味道唔太甜，好食！

 

店名：So Good

地址：屯門掃管笏村路249號地舖