好嘴刁

可食牛不同部位的小店

男朋友最喜歡食牛，今次仲食得好嘴刁，搵到間可食牛不同部位的小店，佢真有研究。 

整齊企理

火鍋

火鍋

小食和飲品

環境整齊企理，有九至十張四人枱，每枱都有火鍋用具，原來呢度主打一人火鍋。除了一人火鍋外，還有小食和飲品。另外見人買一包包的火鍋料回家。

火鍋前準備

各一人火鍋

芫荽皮蛋湯底有好香芫荽味

五寶丸每款都好彈牙和多汁

我地各要一人火鍋 ($88)，每份包有主食、麵底、湯底、五寶丸和時令菜籃。男朋友揀咗吊龍、蟹黃麵和芫荽皮蛋湯底。芫荽皮蛋湯底有好香芫荽味，仲有些皮蛋，又好飲又下火。五寶丸有石斑魚丸、牛丸、豬肉丸、蝦餅和魚皮餃，每款都好彈牙和多汁。最喜歡是蝦餅，好特別和鮮味，真材實料。

時令菜籃全部都好新鮮

時令菜籃有唐生菜、娃娃菜、粟米、蓮藕和蕃茄，全部都好新鮮，粟米仲好甜美多汁。

潮叔教

吊龍牛味香濃

涮一涮，好有嚼口

男朋友揀了吊龍，潮叔教：它係牛肉眼，肥瘦均勻，肉味最濃，鮮美有嚼口。果然牛味香濃，色澤紅潤，涮一涮，好有嚼口，正!

我要三花趾、烏冬

三花趾色澤好紅潤

口感嫩而嚼勁

我的一人火鍋 ($88)就要三花趾、烏冬和芫荽皮蛋湯底。潮叔教：五花趾係牛後腿肌腱，筋肉分明，口感嫩脆，嚼勁十足。唔知五花趾和三花趾同唔同，但食落都好有牛香，口感嫩而嚼勁，好岩我。

手作金橘檸檬百果及手作酸梅湯真材實料，都好飲

男朋友要手作金橘檸檬百果 ($18/跟餐)，而我要了手作酸梅湯($12/跟餐)，兩樣都係手作，用心! 仲用咗好得意的樽仔和貼上“Have a nice day”，見到都開心。手作金橘檸檬百果和手作酸梅湯都酸酸甜甜，前者好清新，後者濃郁，真材實料，都好飲。

店名：潮淑

地址：觀塘開源道60號駱駝漆大廈第三座4樓A1室