圍住食

今日去西灣河做練習，嚟到西灣河就一定要去太安樓搵食啦! 一於買啲外賣回家慢慢嘆。

咁多人圍住食，一定有好嘢!

飲品

甜品

小店真係唔簡單，有好多選擇

嘩! 咁多人圍住食，一定有好嘢! 小店真係唔簡單，有好多選擇，除了主打腸粉外，仲有多款小食、撈麵、咖喱拼盤、滷水拼盤、飲品和甜品。

買了三款回家慢慢嘆

細滷味拼盤好入味

牛舌腍嫩

金錢肚爽滑

要了一份細滷味拼盤($35)，在十三款食品中揀了牛舌、金錢肚、蘿蔔和雞蛋，四款都好入味，還有少少香辣。牛舌腍嫩；金錢肚爽滑；大大件蘿蔔清甜多汁又無渣；雞蛋鹹香，四款都好味。 

手撕雞撈腸粉抵食又好食

腸粉口感佳

手撕雞肉嫩鹹香

手撕雞撈腸粉 ($28) 是推介之選! 大大份，真係抵食又好食，腸粉柔嫩有彈性，口感佳，沾滿甜醬、麻醬、豉油和芝麻，是最佳的拍檔，喜歡！手撕雞啖啖肉，肉質嫩，味道鹹香，撈埋一齊食更好食。

養顏三寶香甜美味

三寶都滑嘟嘟

糖水都有唔少選擇，見養顏三寶優惠價($30)，一定要試試啦! 邊三寶? 就係桃膠、雪蓮子和雪燕，用料十足。三寶都滑嘟嘟，加埋椰汁，味道香甜美味，滋潤養顏，食完一定靚靚。

 

店名：腸粉皇后

地址：西灣河筲箕灣道57-87號太安樓地下A34A號舖