魚控

又係一星期一次中醫覆診，其實千里迢迢去到葵芳，仲要排隊久等，真係不太願意，唯一推動力就是俾自己去葵芳荃灣一帶覓食，有得食就有力，哈！

三樓好多人

店子地方不算很大

葵涌廣場的確有好多嘢食，特別上到三樓，但現在境況要脫下口罩邊行邊食或立食都唔想，感覺好危險，還是坐定定吃安全啲。走往底層，剛巧見到這間下午茶至6:30pm，抵! 岩晒。

卡座可同其他客人距離遠一點

也設有幾張二至六人枱

菜脯又火辣又脆口

店子地方不算很大，但很喜歡一邊設有一排卡座，可同其他客人距離遠一點，而另一邊就設有幾張二至六人枱。每枱都放有配料，最吸引我是又火辣又脆口的菜脯，用來佐麵一流。

主餐牌和下午茶餐

招牌系列

自選米線、特色客飯

風味小吃和飲品

先看看餐牌，有主餐牌和下午茶餐，主餐牌分有招牌系列、自選米線、特色客飯、風味小吃和飲品，而下午茶餐都有部份主餐牌的菜式選擇，還多了三文治，當然價錢較優惠。

*********************

下午茶由2:30pm至6:30pm

百味鮮茄魚淮山麵加鹵水蛋和慢煮辣牛筋，豐富一點

鮮茄湯酸咪咪，清新開胃

淮山麵弄得有咬口

舀一羮湯連麵同吃，滋味!

下午茶由2:30pm至6:30pm，都幾長時間，而我就可當埋晩餐，抵! 魚痴當然看中百味鮮茄魚淮山麵（$48），再豐富一點，加埋鹵水蛋（$7）和慢煮辣牛筋（$12）。趁熱先呷一口鮮茄湯，別看湯身偏稀，味道都幾有茄香，酸咪咪，存些綿綿的鮮蕃茄，清新開胃。改配幼白的淮山麵，弄得有咬口，當然個人認為最佳食法就是舀一羮湯連麵同吃，滋味!

魚相當滑溜

每件大小厚度中等

魚痴第一時間當然吃魚，有六七件，每件大小厚度中等，份量足。潔白的魚肉，相當滑溜，有茄香和鮮香，好吃!

鹵水蛋弄得挺入味

慢煮辣牛筋腍滑油潤

鹵水蛋（$7）弄得挺入味，亦有蛋香，蛋白富彈性，蛋黃則粉綿，不錯!另一款加配是慢煮辣牛筋（$12），共三件，每件夾雜少許肥膏，腍滑得來，又油潤，富有膠質，味道香濃，慢慢滲出辣味，但不致嗆喉。

*********************

上湯娃娃菜一大碗，份量好足

清新爽口，少油少鹽

每餐不能沒有蔬菜，點了一客上湯油菜（$22）可選生菜或娃娃菜，我揀了後者。嘩! 估不到一大碗上，份量好足，清新爽口，少油少鹽，健康之選。

*********************

菜蜜甜度剛好，夠滋潤

下午茶餐奉送飲品一杯，部分特色飲品就要補錢。我這個慳妹揀了不用補錢的菜蜜（$0/下午茶餐奉送），入口溫笠笠，甜度剛好，夠滋潤。

----------------------

其實除了有鮮茄魚外，還酸菜魚和麻辣魚選擇，魚..還有很多魚，滿足我這個魚控。

店名：百味川

地址：葵芳葵富路7號葵涌廣場地下A39號舖