由內至外

不論男或女，要keep住靚就要好好保養，對嗎? 對於護品我就一竅不通，但對於養生食品就有少少研究啦!

開放式的門口，門面整齊企整

地方不算好大，但感覺舒適

久唔久都會和女性朋友去糖水舖食糖水，因為大家都方向一致，就是要常常滋潤一下，今日就來到這間聽嗰店名就知會令人心甜的糖水舖。開放式的門口，門面整齊企整。內設有七張兩人枱，地方不算好大，但感覺舒適。

經典甜水、腐竹甜水

兩溝甜水、芋圓甜水

桃膠甜水、桑寄生甜水

燉奶甜水

牆上貼了幾款糖水相片，睇落好吸引。再細閱餐牌，有七個系列，分別是經典甜水、腐竹甜水、兩溝甜水、芋圓甜水、桃膠甜水、桑寄生甜水和燉奶甜水。

兩款是女士們恩物，當然要分享

我一見到餐牌上的「養顏」兩個字就不用多想，必定要碗桃膠甜水。在三款中點了一碗木瓜雪耳桃膠($37)，再加埋雪燕(+$7)，夠晒滋潤未? 而友人就揀了推薦之選中的薑汁燉奶($32)。其實兩款是女士們恩物，我們當然要分享啦!

***************************

熱木瓜雪耳桃膠雪燕好豐富

平民養顏食物，滋補養生

清甜滋潤，甜度合宜

熱木瓜雪耳桃膠雪燕($44)用料十足，內有不少桃膠和雪燕，還有數件雪耳和木瓜，好豐富。桃膠亮晶晶，雪燕就白雪雪，味道屬清淡，口感軟滑中帶爽脆，再加埋爽滑的雪耳，三者都是平民養顏食物，滋補養生，正! 呷一口糖水，入口暖笠笠，清甜滋潤，甜度合宜，喝後又溫暖又順喉，真係想來多碗，哈！

***************************

薑汁燉奶白雪雪

極之滑溜

奶味和薑味味道好平均

白雪雪的薑汁燉奶($32)極之滑溜，奶味香濃，亦嚐到薑的辛辣，兩者味道好平均，沒有搶風頭，甜度亦適中，好好味。如果我的皮膚跟它一樣咁白咁滑就好，不過…我相信吃完都會滑白咗，哈!

---------------------------------

由內至外的保養其實好重要，所以每次吃糖水我都會選揀有益養生系列來吃，希望keep 得好，常提醒自己「唔保好易老」，姊妹們加油。

 

店名：甜水

地址：旺角廣華街13號廣輝大廈地下2號舖