好方便

 第一次玩空中瑜珈，可能太緊張，所以耗咗唔少力氣，覺得特別肚餓，好彩呢度有間靚cafe，就立即坐低食嘢充補下，仲可以打卡添！

迷人pink lady

張大梳化椅感覺更舒適

坐得舒服

粉紅配白給人和諧的感覺

迷人pink lady，Cafe 一身粉紅配白，仲擺放了不少粉紅色花花，充滿活力、青春又溫和的能量，給人和諧的感覺。有一排長長梳化座連二至四人枱，坐得舒服，而最吸引我係門口張大梳化椅，感覺更舒適，好想瞓返覺，哈！

選擇都唔少

Cafe 選擇都唔少，有頭盤/輕食、小食、主食、甜品和飲品，而飲品仲有非酒精類和酒精類揀添！

立即坐低食嘢充補下

蟹肉南瓜牛油果手工意大利粉擺放都好靚

大量鮮甜的蟹肉

啖啖肉食得好滿足

手工意粉有咬口，仲有彈性

咖啡店唔止環境靚，連食物呢客蟹肉南瓜牛油果手工意大利粉（$98）嘅擺放都好靚，開心！意粉面放了半個香滑的牛油果，仲有大量鮮甜的蟹肉，啖啖肉食得好滿足。手工意粉口感果然不同，好有咬口，仲有彈性，沾上甜美的南瓜汁，伴埋車厘茄、洋蔥碎和蘑菇，更加豐富有益。

Rose latte   配Oat milk好夾，好飲！

Rose latte轉Oat milk ($46+$6)同樣咁靚，仲以為用Oat milk無拉花，點知嗰拉花仲要係複雜的天鵝，再加少少玖瑰花乾碎，好優雅！放埋咀邊就聞到玖瑰花香氣，入口溫暖，甘苦的咖啡中嚐到玖瑰的香甜，仲有啲燕麥奶味道，估唔到好夾，好飲喎！

咁近瑜珈室，真係好方便

Cafe 咁近瑜珈室，大家做運動前輕食醫肚又得，做完運動大食醫肚亦得，真係好方便。

 

店名：NN Coffee & Gin

地址：鰂魚涌英皇道1001號11樓1號舖