珍惜

年紀越大，越覺得朋友重要，認為有人願意陪自己去旅行已經好難得的事，畢竟各有家庭的壓力，難得上個月長假期朋友帶我跟她家人一起遊日本，為了感謝她，今晚就帶她來到這間和風小店一聚。

和風設計的門面在這街道上格外吸引！

內裏裝潢更有特色

簡約舒適

環境寬敞

和風設計的門面在這街道上格外吸引！內裏裝潢更有特色，學生櫈、黑板、馬鞍等，有啲似課室，簡約舒適，環境寬敞。 

甜品

定食、串燒、燒物

定食、串燒、燒物

和式菜系有定食、單品、小食、炸物、串燒、燒物、刺身、魚生丼、甜品和日式飲品。 

溫泉玉子燒M5 和牛前胸肉丼定食好豐富吸引

醃酸瓜和枝豆都唔錯

每份套餐都配有兩款漬物、麵豉湯和茶，我地點了兩份，先上溫泉玉子燒M5 和牛前胸肉丼（$238）。嘩！好豐富吸引。漬物有開胃嘅醃酸瓜和清新嘅枝豆，兩款都唔錯！ 

麵豉湯味道鹹鮮，好喝！

麵豉湯熱辣辣，用料十足，有昆布、白和紅蘿蔔、豆腐等，還有鮮甜肥蜆，味道鹹鮮，好喝！用心之作！

將溫泉蛋倒在丼飯上

將溫泉蛋倒在丼飯上

蛋黃爆開滲入米飯中

M5 和牛前胸肉牛味好濃，優質!

先將溫泉蛋倒在丼飯上，蛋黃馬上爆開滲入米飯中，好正！厚身嘅燒M5 和牛前胸肉好有咬口，牛味好濃，帶少少焦香，仲好有肉汁，優質! 粒粒圓潤嘅珍珠米吸了鮮香嘅雞蛋，再配埋洋蔥絲和菇同食，豐富美味！

鰻魚山藥燒配醬油糖心蛋帆立貝湯烏冬製作需時，但好值得等

鰻魚肥美油潤

用了黏黏地嘅山藥，口感唔同

迷你烏冬有料上乘

另一款係鰻魚山藥燒配醬油糖心蛋帆立貝湯烏冬（$148）製作需時，但好值得等。放滿一盤，見到都開心。鰻魚山藥燒加咗沙律醬和木魚碎，味道好似大阪燒，但用了黏黏地嘅山藥，口感唔同，而且健康有益，連肥美油潤的鰻魚食，正！仲有碗迷你烏冬，滑溜彈牙，有料上乘，有肥美鮮味嘅大帆立貝、彈牙日式魚片和超鮮香黏滑嘅蘭王蛋，吸引！

長野県產蜜桃汽水和長野県產蜜瓜汽水啖啖果香

套餐包熱或冷茶，我地加錢要了兩支日本直送汽水，有長野県產蜜桃汽水（ +$28）和長野県產蜜瓜汽水（ +$28），味道香甜，啖啖果香，好喝！

 

店名：日作食堂

地址：觀塘鴻圖道63-65號鴻運工業大廈地下A號舖