有驚喜

唔去都唔知，原來這裏改了為木馬工房美食廣場，有咩唔同? 環境好似比之前新淨，地方光猛，整齊企理，仲有新食店進駐，好有驚喜，揀食咩好呢? 

改了為木馬工房美食廣場

地方光猛，整齊企理

這隻小老虎好可愛

有不少選擇

還有套餐

這隻小老虎好可愛，第一時間吸引了我們，再睇下啲菜式相片，更吸引! 大餐牌上的選擇都唔少，有韓式飯/湯飯、韓式麵、前菜、小食、飲品，還有套餐。

人參雞配白飯和紙包飲品好食好飲又抵食!

雞煲至腍嫩，啖啖肉

真材實料

人參雞配白飯和紙包飲品($70/半隻)熱辣辣，香噴噴，淡淡人參的甘香和雞肉的鮮香，甘香順口。真係用咗半隻雞炮製，還有紅棗、栗子和米飯，真材實料。雞煲至腍嫩，啖啖肉，好食好飲又抵食!

牛肉飯捲口感和味道都好得!

餸多過飯，好豐富! 

牛肉飯捲 ($48)一卷有十件，仲件件都捲滿清爽的青瓜絲、紅蘿蔔絲和雞蛋、彈口的魚糕、腍嫩入味的牛肉和綿綿的白飯，餸多過飯，好豐富! 一啖一大件，好滿足! 口感和味道都好得! 

韓式炒粉絲配紙包飲品非常豐富

粉絲炒得好入味

韓式炒粉絲配紙包飲品($62)可揀牛肉、辣豬肉或雞肉，我就要咗辣豬肉。粉絲炒得好入味，煙韌彈牙，又唔會太油，除咗有不少香辣嫩口的豬肉外，仲有紅蘿蔔絲、洋蔥絲、雞蛋絲、菇菌、椰菜等，非常豐富，加埋甘香的芝麻，味道美味。 

大豆芽爽口清新

大豆芽 ($20)爽口清新，加了少少麻油和芝麻，好香。

 

店名：韓虎家

地址：將軍澳唐俊街18號The Parkside Mall 1樓木馬工房02號舖