為空氣餅而來

自從帶男朋友在台灣食過疏乎厘pancake 後，他就愛上了，仲叫它做空氣餅，成日都話要食，所以我今晚就帶佢去食。

位於觀塘的工業大廈

地方闊落

環境優雅

餐廳位於觀塘的工業大廈，環境優雅，地方闊落，有一排排梳化座，坐得幾舒服。

甜品

菜式選擇

飲品

除咗必有梳乎厘班戟外，仲有其他甜品、意粉、燴飯、肉食、小食、沙律、湯和飲品。

無花果虎蝦沙律新鮮清爽

無花果虎蝦沙律 （$78）啲沙律菜好新鮮清爽，中間有隻爽彈嘅虎蝦，碟邊就有些無花果薄片，淋些柚子醋汁，酸酸甜甜，好開胃。 

日式千手茄子真係好有趣！

外好脆內好腍滑

日式千手茄子 （$58）整成一隻手，真係好有趣！炸到金黃，熱辣辣，外好脆內好腍滑，又有創意又好食。

日本和牛肉醬蕃茄意粉味道香濃

牛肉碎掛在意粉上

日本和牛肉醬蕃茄意粉 （$118）味道香濃，口感亦不錯！香濃嘅牛肉碎掛在意粉上，配上酸咪咪嘅蕃茄，食落去唔覺得漏，好食！ 

原味疏乎厘配蜂蜜糖漿滿充蛋香

淋或唔淋糖漿都好吃

好厚身

再鬆軟一啲就更正

男朋友最期待嘅原味疏乎厘配蜂蜜糖漿 （$98）出場啦！滿充蛋香，淋或唔淋糖漿都好吃，加埋甜美嘅忌廉、雜莓和香蕉就更滋味，如果嗰班戟再鬆軟一啲就更正！

熱山政小山園【槙之白】宇治抹茶抹茶控必愛

熱山政小山園 【RICH】一番焙茶鮮奶好香濃 

男朋友要熱山政小山園【槙之白】宇治抹茶 （$48），而我就要熱山政小山園 【RICH】一番焙茶鮮奶 （$52），兩款都是日本茶飲。兩杯拉花嘅圖都好清晰，仲好靚！兩款都好香滑，抺茶就無加糖，啖啖奶香和抹茶甘苦，抹茶控必愛；焙茶味都好香濃，有少少甜，味道剛好，正！

店名：Four O Five Coffee & Eatery

地址：觀塘成業街19-21號成業工業大廈地下2號舖