樣樣有驚喜

今次見到呢間餐廳嘅空氣餅同我和男朋友在台灣食的賣相一模一樣，所以又帶佢嚟試下，睇下合唔合佢口味。

餐廳環境好靚

有些似樂園

好有情調

寬敞舒適

餐廳環境好靚，有些似樂園，加埋柔和嘅燈光，好有情調添！中間嘅卡座最吸引我，寬敞舒適。

餐牌色彩繽紛

設計特別

有好多特飲

有好多特飲

連濕紙巾袋都設計吸引

餐牌色彩繽紛，有晒相片，設計特別，仲好搶眼！有小食、pizza、肉、海鮮、意粉、飯和甜品，仲有好多特飲添！除咗餐牌設計吸引外，連濕紙巾袋都係自家設計，不得不讚！

意大利風腿芝士焗西蘭花山真係成座山，好驚喜！

邪惡得來令人無法抗拒

拉出長長嘅芝士絲

先黎款小食，意大利風腿芝士焗西蘭花山（$68）又真係成座山咁，仲插住把大刀，好驚喜！清爽嘅西蘭花放在芝士溶上，拉出長長嘅芝士絲，充滿芝士香，加埋意大利風腿，添加鹹香，邪惡得來令人無法抗拒，芝士迷必食。

奧爾良Shake Shake海鮮袋, 席前火炙拉絲   shake shake   shake

灑上芝士碎再火炙，好精彩

足足有五款海鮮，好滿足！

男朋友知我最喜歡食海鮮，揀咗奧爾良Shake Shake海鮮袋, 席前火炙拉絲 ($398)，足足有五款海鮮，好滿足！店員抱着海鮮袋左shake shake，右shake shake，將我揀嘅蒜蓉牛油汁跟海鮮徹底混合。仲未完呀！店員將海鮮放好後灑上芝士碎再火炙，好精彩。

五款海鮮都好鮮味，肉厚肥美

西班牙風腸、粟米和西蘭花沾上蒜蓉，好好味！

五款海鮮有龍蝦尾、大蝦、帆立貝、蜆和青口，全部都好鮮味，肉厚肥美，肉質彈牙，沾滿蒜粒和牛油，非常香，好正！除咗海鮮外，仲有香辣惹味嘅西班牙風腸、爽甜粟米和鮮爽西蘭花，都沾上蒜蓉，好好味！

震震下梳乎厘奄列又大又厚，好有份量

班戟陣陣蛋香，震下震下

輕盈鬆軟

用旋轉木馬音樂托盤盛住，好童話

而我就當然幫佢點咗震震下梳乎厘奄列($118)，嘩！又一驚喜！用旋轉木馬音樂托盤盛住，播住音樂出場，好童話。呢份梳乎厘奄列又大又厚，好有份量，熱辣辣，陣陣蛋香。班戟震下震下，極之輕盈鬆軟，有少少濕潤，充滿蛋香，正正就係男朋友喜歡的味道，大讚！

Dragon Hat味道香甜，好fresh! 

Fresh Mango Lime Soda 酸酸甜甜，好醒神

我要了Dragon Hat（$48），男朋友就要Fresh Mango Lime Soda ($68)，兩杯賣相都好驚喜，好有心思。Dragon Hat有鮮紅肉火龍果、菠蘿汁、士多啤梨和梳打水，味道香甜，仲有好多果肉，好fresh! Mango Lime Soda不單止有甜美嘅芒果肉，仲有西柚和青檸，加埋菠蘿汁和梳打，酸酸甜甜，好醒神。

店名：Dirty Skillet

地址：筲箕灣筲箕灣道393號形薈地下G12號舖