好有驚喜

本想睇戲，但男朋友突然要OT趕唔切，好彩無買定飛，咁就係戲院隔離快食一餐，估唔到好有驚喜。 

係戲院隔離快食一餐

有一排吧枱，都坐得幾舒服

見大部分人都是外賣，其實都有一排吧枱，仲坐得幾舒服添。今晚就同男朋友在柔和的燈光下撐枱腳，唔錯！

有多款選擇

憑戲票點餐有優惠, 但今日無睇到戲

主打漢堡，有多款選擇，另有炸魚小食、薯條、沙律、奶昔和飲品。

墨西哥辣椒芝士牛肉漢堡配薯條汽水套餐賣相非常吸引

越食越火辣，好美味

肉嫩juicy，牛味香濃

買漢堡可加錢轉套餐，男朋友要墨西哥辣椒芝士牛肉漢堡配薯條汽水套餐（$79+$39），賣相非常吸引！軟熟嘅麵包夾着清新嘅蕃茄片和生菜、鹹香嘅半溶芝士、爽口嘅酸青瓜和香辣嘅墨西哥辣椒，當然唔少得一件厚厚嘅牛肉漢堡，肉嫩juicy，牛味香濃，好美味。越食越火辣，好正！

薯條香脆不油膩，好有薯香

薯條份量十足，熱辣辣，香噴噴，條條都炸得金黃，香脆不油膩，好有薯香，加啲茄汁，簡單美味。

牛油果醬雞扒漢堡配沙律奶昔套餐豐富吸引

配香滑嘅酸忌廉牛油果醬，好夾

啖啖肉嘅雞扒，香口肉嫩

我要咗個牛油果醬雞扒漢堡配沙律奶昔套餐 （$85+$62）一樣咁豐富吸引。軟熟嘅麵包夾着清爽嘅蕃茄和生菜、鹹香嘅芝士，當然仲有塊啖啖肉嘅雞扒。雞扒香口，肉嫩juicy，配埋香滑嘅酸忌廉牛油果醬，好夾！

沙律菜好新鮮爽口

沙律菜好新鮮爽口，加咗清新嘅蕃茄粒，配埋酸咪咪嘅醋汁，好fresh!

Baileys VC超級好味！

最愛Baileys 嘅我，要咗杯Baileys VC （+$6)，超級好味！冰凍幼滑，啖啖Baileys嘅酒香，仲有朱古力香甜和朱古力碎粒，好滿足！如果加多啲酒就大大滿足！ 

奇尊蝦牛油果醬沙律配三款醬，真有誠意！

淋啲蜜糖芥末醬，甜甜辣辣

蝦點啲蝦醬，辣辣地

仲叫多份奇尊蝦牛油果醬沙律 （$78），估唔到一份沙律配三款醬，真有誠意！沙律菜好新鮮，淋啲蜜糖芥末醬，甜甜辣辣，好滋味！蝦香脆可口，點啲蝦醬，辣辣地更惹味!

店名：Burger Republic

地址：將軍澳唐賢街9號PopCorn 1 1樓F24-26號舖