來年齊齊旺

同男朋友出開旺角買千層蛋糕，就順便係旺角搵食。男人的浪漫就多數係冰室，因為平靚正快，又大大碟，最岩佢心意！

冰室平靚正快

地方都幾闊落

牆上一幅幅繪畫好靚

環境光猛，牆上一幅幅繪畫好靚，主角係我最鍾意既貓咪，呵呵！ 地方都幾闊落，唔少卡位，坐得幾自在。

唔少選擇

唔少選擇

唔少選擇

唔少選擇

唔少選擇

晚餐有十九款揀，飯麵粉都有，唔少選擇。

鮮薑汁豬膶鮮雞湯通粉配有多士和炒滑蛋，滿足！

多士烤得金黃微脆

炒滑蛋極滑溜

我要常鮮薑汁豬膶鮮雞湯通粉 ($58)配有多士和炒滑蛋，滿足！熱辣辣上枱，多士烤得金黃微脆，有些牛油香，放埋極滑溜嘅炒滑蛋同吃，正！

鮮雞薑湯，味道鮮香，有啲辛辣

豬潤爽口鮮香

馬上飲啖鮮雞薑湯，味道鮮香，有啲辛辣，但唔會搶喉；通粉煮得岩岩好，不會太腍身。每件豬潤都幾厚身，爽口鮮香，好食！ 

即磨咖啡好香濃幼滑

即磨咖啡（$0/跟餐）香濃幼滑，唔錯！ 

小確幸旺記雜扒飯配自家製洋蔥汁份量驚人

雞扒啖啖嫩肉，皮香脆

豬排鹹香腍嫩

男朋友無肉不歡，揀咗小確幸旺記雜扒飯配自家製洋蔥汁 ($74)，份量驚人，有大大塊雞扒和豬扒，仲有覆蓋半碟飯嘅炒滑蛋，配些清爽嘅沙律菜。男朋友話白飯加鹹香嘅洋蔥汁和香滑嘅滑蛋一齊食，好得！雞扒啖啖嫩肉，連埋煎至金黃香脆嘅雞皮一齊食，最滋味！豬排就鹹香腍嫩，也好味！

鮮薑汁奶茶味道平均

鮮薑汁奶茶 （+$4）幾有茶香，亦有些薑嘅辛辣，味道平均。

 

店名：旺記冰室

地址：旺角通菜街2Q-2Z號鴻輝大廈B座地下7號舖