一起一喜

只要同你一起，一切都歡喜！今天同男朋友影完婚紗相，雖由朝踩到晚，但只要一起就歡喜！大家都肚餓到爆，緊係第一時間去搵食，見到這間一喜車仔麵，就諗到…只要在一起，食乜都歡喜！ 

只要在一起，食乜都歡喜

放了一架模型車仔麵車，太有趣！

啲食物好真實

光猛企理

地方闊落，坐得幾舒服

門口放了一架模型車仔麵車，啲食物好真實，太有趣！懷舊嘅設計，但環境一啲都唔舊，光猛企理，有圓枱，亦有長枱，地方闊落，坐得幾舒服。 

唔止車仔麵咁簡單

唔止車仔麵咁簡單

唔止車仔麵咁簡單，仲有多款飯、飲品、特色小食，連返屋企加餸都有。

椒絲腐乳通菜幼嫩，少油少鹽

蠔油菜心新鮮爽嫩

今晚叫得好狂，因為大家都好好好餓….椒絲腐乳通菜（$18）翠綠幼嫩，加了腐乳的鹹香，不會太鹹，少油少鹽，正！蠔油菜心（$18）粗壯翠綠，新鮮爽嫩，好清新，唔錯！

秘製一試難忘沙嗲牛腩非常入味

腍嫩中亦帶煙韌

秘製一試難忘沙嗲牛腩（$55）味道香濃！牛腩夾雜筋膜，稔嫩中亦帶煙韌，非常入味。還有，蘿蔔好腍嫩，沾上沙嗲汁，鹹香美味！

生炸潮汕三寶好彈牙，真材實料

生炸潮汕三寶（$39/9粒）即點即炸，金黃香口，熱辣辣！係邊三寶？有汕尾馬鮫豬肉丸 共、有魷魚的魷魚丸和深海粒粒墨魚丸，三款都好彈牙，最鍾意係馬駮豬肉丸，好鮮香；魷魚丸就真係混入粒粒魷魚，真材實料！

自選六餸車仔麵超豐富

淮山麵淥得岩岩好

親手製韭菜餃皮薄饀靚

一喜黃金雞湯鮮甜美味

我要了自選車仔麵（$91），揀了六款麵料，有一口一隻汕尾小米粿外皮黏滑；蘿蔔多汁無渣；魚腐有魚香；小花菇又爽又香；親手製韭菜餃都係一口一隻，皮薄饀靚；紫菜滑身無沙（各款$12）配淥得岩岩好嘅淮山麵（$14）。特別推介係配了一喜黃金雞湯（$5），鮮甜美味，最後我把它通通喝光。

尊貴十寶麵加辣咖喱汁香辣，更惹味

瀨尿牛筋丸一咬就爆晒汁

烏冬彈牙滑身

男朋友就要了碗尊貴十寶麵（$69），比我碗更豐富，好滿足！有牛腩，瀨尿牛筋丸、瑞士汁雞翼、翼尖、魷魚丸、豬紅、豬皮、蘿蔔、紅腸和時菜配彈牙滑身唧烏冬，而湯底就要秘製黃金雞湯($5)加辣咖喱汁，佢話添了香辣，更惹味，好正! 佢最鍾意係瀨尿牛筋丸，一咬就爆晒汁，牛味好濃；魷魚丸又彈又香，粒粒魷魚好有口感；瑞士汁雞翼肥美嫩滑，好吃!

 

石斛竹蔗茅根水清甜滋潤；桔柑酸梅湯消暑解渴

有幾款自家製飲品，男朋友要自家製石斛竹蔗茅根水(+$10/跟餐)，清甜滋潤，可清熱明目。我就要自家製桔柑酸梅湯(+$10/跟餐)，酸酸甜甜，消暑解渴，仲好喜歡!

店名：一喜車仔麵

地址：尖沙咀彌敦道36-44號重慶大廈heath慶方地庫S19-21號舖