心思配搭

今日返屯門，本來諗住買啲甜品再轉巴士返去，點知….一下車就超大雨，只好衝入H Zentre，順利食埋嗰lunch。 

店舖主打沙律

有自選雙拼/三拼沙律

呢度有幾間食肆，有貴價嘅，亦有經濟嘅。我幾年先豪一次，今日當然揀經濟啦！店舖在日式超巿內，主打沙律，另有些甜品、烘焙食品和飲品。有自選雙拼/三拼沙律、六款廚師發辨沙律、牛角包窩夫等，加不同價錢就可配湯或飲品。

今日有八款沙律

自選三拼沙律，每款都由有多種食材

香辣雞肉長通粉沙律口感和味道都吸引！

今日有八款沙律，每款都由有多種食材，很有心思的配搭。我揀了自選三拼沙律（$78）。第一款，香辣雞肉長通粉沙律用料有七款，香辣味。長通粉有嚼勁，口感和味道都吸引！

南瓜凱撒沙律味道剛好！

第二款，南瓜凱撒沙律用料有七款，羅馬生菜和羽衣甘藍都好清新清爽；南瓜粉綿甜美，配上酸咪咪的凱撒沙律醬，味道剛好！

韓式牛肉椰菜花碎沙律是我最喜歡的

第三款，韓式牛肉椰菜花碎沙律是我最喜歡的。用料有八款，椰菜花碎混入牛肉碎和泡菜碎，好有咬口，味道稍稍香辣，好味！ 

牛角包窩夫有五款選擇，四甜一鹹

海苔肉鬆牛角包窩夫大大啖咬落去，好滋味！

牛角包窩夫有五款選擇，四甜一鹹，我就揀唯一的！海苔肉鬆牛角包窩夫（$38）充滿牛油香，微微酥脆香甜，面頭放了大量鹹香嘅海苔肉鬆，配咗沙律醬，大大啖咬落去，好滋味！

拉花靚又好飲！

靜崗焙茶拿鐵入口香滑，味濃

靜崗焙茶拿鐵（+$34/L)又靚又好飲！每次見到用脫脂奶都有靚靚拉花就開心。入口香滑，焙茶味濃，少少甜岩我。

 

店名：The Salfee Bar

地址：尖沙咀中間道15號H Zentre 地下1-2號舖