很美!

難得男朋友唔駛OT，當然要出街食飯撐下枱腳。我地去咗將軍澳海濱長廊一間餐廳，順便飯後可散步睇夜景，sweet!

將軍澳海濱長廊一間餐廳

外用膳區

地方闊落，座位舒適

內裏較寧靜舒適

餐廳有內外兩個用膳區，內裏較寧靜舒適，岩我哋！燈光柔和，地方闊落，座位舒適。 

飲品

食品

晚巿是 a la carte，有三文治、前菜、主菜、配菜、沙律、甜品、飲品等。 

烤甘筍羽衣甘藍、蜂蜜牛油醬烤得岩岩好，新鮮爽口

我揀咗烤甘筍羽衣甘藍、蜂蜜牛油醬(素)($68)好有牛油香，羽衣甘藍嫩而無渣，又無苦澀味，好食！甘筍原條上枱，烤得岩岩好，新鮮爽口，不錯！

慢煮鴨腿三明治味道豐富多變！

啖啖肉，好滋味！

還揀了一份慢煮鴨腿三明治($178)，軟熟嘅麵包上放了一大堆香嫩嘅鴨腿，啖啖肉，好滋味！加埋一大塊鹹香布里芝士、甜甜地嘅焦糖洋蔥，再唧上香滑嘅牛油醬，味道豐富多變！粗薯條炸得金黃香脆，熱辣辣，好香薯仔味，正！ 

海鮮馬賽魚湯、珍珠意粉用料豐富

隻大蝦彈牙鮮嫩

珍珠意粉好有咬口

男朋友今日唔肉肉肉喎！反而要道海鮮馬賽魚湯、珍珠意粉($218)，真係估佢唔到。用料豐富，有魷魚、大蜆、青口和一隻大蝦，全部都好鮮味，特別係嗰隻大蝦，彈牙鮮嫩，正！珍珠意粉好有咬口，口感都幾特別，沾滿着酸辣鮮味嘅馬賽魚湯，煮得入味。

法式橙酒可麗餅, 忌廉,金寶脆脆味道甜美

最後仲點咗份甜品。法式橙酒可麗餅, 忌廉,金寶脆脆 ($88)浸在香甜嘅橙酒中，味道甜美。可麗餅Q彈，加埋金寶脆脆同食，多份口感。

很美的夜景呀！

很美的夜景呀！還有很型的你呀！

 

店名：Bistro La Baie

地址：將軍澳澳南海岸唐俊街23號MONTEREY Place地下G02號舖