相聚在冰室

真的已有一段時間沒有見，其實我真的很掛住大家……今晚終於相約，順便送上手信。大家選了相聚在冰室，皆因平靚正，又唔拘謹，是大夥兒傾計的好選擇之一。

門面特別吸引我注目

我認我是

牆身設計特別

此冰室非一般傳統冰室的設計，門面選用了我喜歡的藍綠色，加埋一塊「我是一個吃貨」的螢光字牌，所以特別吸引我注目。內裏裝潢帶點懷舊的色彩，牆身除了印上部份菜單外，還有一個大型的香港地圖，標記了一些香港的好去處，令我也想計劃去逛逛。

座位都唔少

骨子企理

正方形的格局，靠牆有是舒適的卡座，中間還有兩排二至四人枱，座位都唔少，且骨子企理。

廚師推介

是日精選晚餐

中式飯類

特色炒粉麵、招牌炒飯系列、意粉類、濃湯系列、咖喱系列

家常小菜

肉餅系列、籠仔荷葉蒸飯、冰室美食

特飲

先看看多份餐牌，選擇唔少，有是日精選晚餐、廚師推介、中式飯類、特色炒粉麵、招牌炒飯系列、意粉類、濃湯系列、咖喱系列、家常小菜、肉餅系列、籠仔荷葉蒸飯、冰室美食、特飲等等。

*****************************

有五款蒸魚

清蒸紅鮋嚐到魚的鮮甜

細看「廚師推介」餐牌，足足有五款蒸魚，正合我心意，而我吃魚總喜歡清蒸，故選了一客道清蒸紅鮋 ($96跟白飯，湯或熱飲)，簡簡單單蘸上少許豉油，為魚提一提味，便能嚐到魚的鮮甜，再伴上薑絲和清香的鮮蔥段，就能令我吃得滿足。

相當新鮮

魚皮和魚腩則相當滑溜

阿爸教落，蒸後魚眼凸起，表示其相當新鮮，而蒸弄的時間掌握得剛好，保持鮮嫩，魚背肉片片分明，肉質紮實，而魚皮和魚腩則相當滑溜，最為吸引。

*******************

菠蘿京都豬扒味道酸咪咪，好醒胃

再來一客菠蘿京都豬扒 ($74跟白飯，湯或熱飲)，大大碟，好抵食! 豬扒好有份量，肉質腍嫩，味道酸咪咪，好醒胃。仲有不少洋蔥和菠蘿做配菜，同樣好入味。

*******************

泰式馬拉盞啫啫芥蘭用料豐富

以煲仔盛載上枱的泰式馬拉盞啫啫芥蘭 ($72跟白飯，湯或熱飲)熱辣辣，香氣十足。芥蘭保持翠綠爽口，還加入不是配料炮製，包括肉碎、冬菇、大蝦乾、薑片、蒜子等等，用料豐富，烹調入味，配上馬拉盞醬，味道鹹香，用來佐飯一流！

*********************

沙嗲絲粉大蝦煲全部索盡沙嗲汁，好入味

大蝦好有份量，肉質爽口

再來的沙嗲絲粉大蝦煲 ($118跟白飯，湯或熱飲)同樣熱辣辣，好吸引! 嘩! 足足有四五隻大蝦，而每大蝦都差不多有我半隻手掌大，好有份量，肉質微爽，烹調入味，不錯! 還配了不少粉絲、青紅椒絲、金菇等，全部索盡沙嗲汁，好入味，又是佐飯的好餸菜之一。

*****************************

花旗蔘燉雞湯落足料燉製，絕不欺場

味道鮮香，滋補順喉

例湯轉燉湯只需加$20，當然不能錯過。是日為花旗蔘燉雞湯 (+$20)，大大盅，熱度十足。一揭開蓋子，陣陣香氣；舀幾舀，有不少嫩滑的雞件、鮮香的豬肉、粉綿的准山、甜美的圓肉、蜜棗、杞子等等，落足料燉製，絕不欺場，難怪味道如此鮮香，滋補順喉，好喝！超值!

*******************

奶茶紅豆冰好有茶香

友人知道這裏的奶茶是招牌之一，故第一時間揀了杯奶茶紅豆冰 (特飲+$7)，大大杯，內有不是紅豆，好足料。佢話濃淡恰到好處，好有茶香，正!

薑煲檸樂飲完之後都幾舒服

阿媽教落薑煲檸樂 (+$4)可預防感冒，一於要杯打打底。內有兩大片檸檬和大量薑絲，味道酸酸甜甜，夠晒薑辣，但飲完之後都幾舒服，好似幾有攻效喎!

---------------------------------------

今晚相聚在冰室，邊吃邊談，有講有笑的確很開心，其實我好珍惜每次相聚的時刻，期待日後再聚。

店名：1仔冰室

紅磡必嘉街92-112號紅磡灣中心地下9C號舖