成為我的飯堂

友人突然話想來我家參觀，但我乜都沒有準備喎…..雖然家不算凌亂，但無時間親自下廚招待，有點不好意思。結果……..還是外出吃完才來吧! 知她一向愛吃車仔麵，剛巧明星阮小儀在附近新開一間車仔麵店，而我都未到訪過，一於今晚吧!

門放式的門口，感覺敞開揚

最吸睛還是小儀的相片

整齊企理，挺舒適

店子分兩區

門放式的門口，感覺寬敞開揚。一身鮮黃色，好醒神呀! 裝潢簡約，但牆上有幾幅很吸引的車仔麵相片，當然最吸睛還是小儀的相片啦! 店子分兩區，泊牆設有一排排座位配二至四枱，中間還有多將二至四人枱，整齊企理，挺舒適。

牆上鑲有一大塊菜單

用枱號QR Code落單

牆上鑲有一大塊菜單，本以為是用紙仔下單點菜，但今時唔同往日，連車仔麵都緊貼現今科技，用枱號QR Code落單，揀好就用手機比錢，既方便快捷，又環保，好念頭! 唔駛擔心唔識用，店員好helpful，用心協助客人，抵讚!

你有你點，我有我點，各自篤手機，easy! 有九款$14麵底和三款$17麵底，而湯底就有三款、醬汁四款，至於車仔餸就有六項，分別$8、$9、$10、$11、$12和$14。老實說，最喜歡是可揀青菜代替麵底，岩晒我這些少吃澱粉質者，讚!

*****************************

青通菜六餸配薑酒湯及另上惹味咖喱汁和蒜粒菜脯

惹味咖喱汁和蒜粒菜脯都好好味

我選了青通菜（$14）配薑酒湯及另上惹味咖喱汁和蒜粒菜脯，加六餸。有冬菇、鮮腐竹、鹵水蛋、魚皮餃、魚肉春卷和麻辣蓮藕，唔好以為青菜底就會細細碗，份量都好夠，滿足!

薑酒湯少少薑辣，又帶點酒香

第一時間呷一口薑酒湯，湯身清澈，不油不鹹，少少薑的辛辣，又帶點酒香，雖不算好香濃，但味道也不錯。

通菜爽口幼嫩

冬菇爽口滑身兼滿有菇汁

鹵水蛋非常入味

通菜色澤翠綠，莖部爽口，菜葉幼嫩；原粒冬菇（$8）上，大小中等，約有五六粒，爽口滑身兼滿有菇汁，也推介！鹵水蛋（$8）弄得非常入味，亦有蛋香，同樣推介！

鮮腐竹加些惹味咖喱汁，更滋味！

魚皮餃配些蒜粒菜脯，更美味

魚肉春卷不乾身不油膩

鮮腐竹（$8）又腍又滑身，滿有豆香，加些惹味咖喱汁，更滋味！魚皮餃（$9/3粒）啲啲骰骰，一啖一口，皮滑饀滿，配些蒜粒菜脯，辣辣地更美味。還有魚肉春卷（$9/2件），味道鹹香，不乾身不油膩。

麻辣蓮藕挺爽脆，麻辣感覺慢慢滲出

由於有濃味的餸料，即是麻辣蓮藕（$10），故能保持湯底原汁原味，讚！麻辣蓮藕挺爽脆，面頭沾上少許紅椒、辣油、花椒等，麻辣感覺慢慢滲出，好有風味。

*****************************

米粉配薑酒湯加六餸

麻辣雞腎香辣惹味，口感爽

友人要了米粉（$14），同樣配薑酒湯及另上惹味咖喱汁和蒜粒菜脯，加六餸。有冬菇（$8）、韭菜（$8）、豬紅（$8）、魚片頭（$8/3件）、黑椒牛丸（$9/3粒）、麻辣雞腎（$10）。見有大量的翠綠的韭菜，而冬菇、豬紅和麻辣雞腎都幾多件，大大碗，令她吃得滿足。看她應該最喜歡豬紅和麻辣雞腎，不出一會就把它們通通吃光，而我也偷吃了一件麻辣雞腎（$10），同樣香辣惹味，口感爽，不錯!

*****************************

紫貝天葵是一種很好的營養保健品

飲品都有不少選擇，友人最愛可口可樂($6)，而我就被少見的紫貝天葵($6)吸引了，據網上資料所得知：紫貝天葵是一種很好的營養保健品，含造血功能的鐵素、維生素A原、黃酮類化合物及酶化劑錳元素，具有活血止血、解毒消腫等功效。大大杯，好抵飲! 酸咪咪，甜度適中，消滯解膩，正合我需要。

---------------------------

相信這店子將成為我的飯堂，既方便，又平靚正，仲好醫肚，是工作OT後的很好選擇。

店名：麵麵店

地址：將軍澳貿業路8號新都城中心一期2樓241, 250-251號舖