上個月同了老爸撐枱腳，老媽有些呷醋，但其實是她自己參加了社區中心中秋晚會而沒有預她.....算啦！既然向我撒嬌，當然馬上作出安排，跟她吃西餐撐枱腳。
 |
| 紅色的牆身鑲上餐廳名，好奪目 |
一出升降機門就見到紅色的牆身鑲上餐廳名，好奪目。
 |
| 綠油油的沙律吧最醒神 |
 |
| 闊落舒適的六人梳化座 |
 |
| 中間有幾張四人枱 |
 |
| 一排長梳化座配二人枱 |
 |
| 仲有個水吧區 |
內裏裝潢簡約平實，沒有花巧的擺設，最醒神是沙律吧，綠油油，滿有田園色彩。地方寬闊，近窗有一排闊落舒適的六人梳化座、中間有幾張四人枱、靠牆有一排長梳化座配二人枱，旁邊仲有個水吧區。
 |
| Signature Dinner主菜 |
 |
| Signature Dinner主菜 |
先看看餐牌，晚巿Signature Dinner包有自助沙律吧、干邑龍蝦濃湯、主菜和餐飲，價錢由$218-$490。
**********************************
 |
| Buffet Salad Bar色彩豐富，令人胃口大開 |
點好菜便馬上走去沙律吧Buffet Salad Bar，嘩嘩嘩！沙律一向是我最愛，見到十九款沙律配料放在眼前，當中仲有三款預拌好的沙律，色彩豐富，令人胃口大開，我失控啦！數數看，有五款沙拉菜、紅青椒、粟米、青瓜、車厘茄、黑橄欖、紫洋蔥、粟米芯、秋葵、麵包粒、煙肉，而醬汁有千島醬、胡麻醬、油醋汁、橄欖油和意大利黑醋，選擇也不少。
 |
| 全部蔬菜都很清新爽嫩，好新鮮 |
第一碟自由配搭先，差不多樣樣取些，色彩繽紛。全部蔬菜都很清新爽嫩，好新鮮呀！特別喜歡清甜的粟米心和車厘茄，而秋葵亦很爽嫩，揀了拌入油醋汁，酸咪咪，醒神開胃，真係可再來一碟。
 |
| 最喜歡青紅蘋果雞沙律 |
第二碟就試齊三款預拌好的沙律，有煙肉薯仔沙律、火腿長通粉沙律和青紅蘋果雞沙律。最喜歡是青紅蘋果雞沙律，爽口多汁，酸酸甜甜，沙律醬唔會太多，吃落較清新。
**********************************
 |
| 干邑龍蝦濃湯 配餐包都熱度十足 |
 |
| 入口順滑，味道不算好濃郁 |
吃完凍食就要暖下身，來一碗熱辣辣的干邑龍蝦濃湯
Lobster Bisque 正合時，仲配埋熱烘烘的餐包，滿足！一客份量剛好，色澤鮮橙，內有幾粒爽口的蝦粒。湯身濃稠，入口順滑，味道不算好濃郁。
**********************************
 |
| 岩鹽香煎亞拉斯加銀鱈魚扒賣相好有睇頭，真特別！ |
 |
| 一大磚岩鹽上枱 |
主菜出場啦！在七款主菜中有兩款魚選擇，身為魚痴的我既愛三文魚，也愛銀鱈魚，點好呢？最後要了岩鹽香煎亞拉斯加銀鱈魚扒 Alaska Cod 84 Minerals ($298)。嘩！魚扒下墊着一大磚岩鹽，好有睇頭，真特別！店員還提醒要先拿起魚扒，免得放在岩鹽上太耐而過鹹，真細心！
 |
| 魚扒全件都煎得金黃，色澤平均 |
 |
| 魚皮相當香脆可口 |
 |
| 肉質挺嫩滑 |
 |
| 蘸些黑松露沙律醬，也很美味 |
魚扒大小厚度中等，都算幾有份量。全件都煎得金黃，色澤平均，好靚仔。內肉潔白，片片分明而不散爛，肉質挺嫩滑，而魚皮就相當香脆可口。試試蘸些所配備的黑松露沙律醬，也很美味，但其實它本身已烹調入味，鹹鮮有至，不需再作添亦美味。
**********************************
 |
| 非凡鮮羅勒香草醬海鮮扁意粉好足料 |
 |
| 意粉有嚼勁，既豐富又美味 |
另外點了一客非凡鮮羅勒香草醬海鮮扁意粉 Extraordinary Seafood Linguine ($258)，滿滿一大碟，仲好足料。意粉煮得剛好，條條分明，煙煙韌韌，挺有嚼勁，口感不俗。沾上香草醬，份量平均，味道幾香，還拌入清爽的青紅椒和爽口的菇片，既豐富又美味。
 |
| 大蝦爽彈鮮味 |
 |
| 蜆仔鮮嫩 |
 |
| 三文魚唔夠嫩滑 |
海鮮質素都唔錯，有幾隻爽彈鮮味的大蝦、鮮嫩的蜆仔，還有多件三文魚，但煮得耐咗啲，唔夠嫩滑。
**********************************
 |
| 水果種類不多，但味道都不錯 |
是時候吃飯後果，沙律吧有三款水果，分別有清甜多汁的西瓜、香甜爆汁的鮮菠蘿和甜美的蜜桃，種類不多，但味道都不錯！
**********************************
 |
| 甜品也不錯 |
本來以水果作為甜品，但估不到最後還有甜品贈送，驚喜！蛋糕啲啲骰骰，作為餐後甜品最適合不過，唔會變成負累。有藍莓芝士蛋糕和檸檬蛋糕，我倆都較喜歡後者，口感幼滑，酸咪咪，檸檬味突出，好吃！
**********************************
 |
| 熱檸水開胃消滯；熱莫卡不會太甜 |
最後當然要上埋餐飲伴甜品，老媽揀了熱檸水，貪它開胃消滯；而我就要了杯熱莫卡，朱古力味和咖啡味並存，味道不會太甜，只是略嫌奶味較重。
--------------------------------------------
由大量蔬菜沙律，到魚和海鮮的主菜，再來甜美的水果，繼而啲骰的甜品，並以咖啡作為餐飲，由開始至尾聲都是我喜歡的，這裏必是我的心水推介。
店名：Hugo Le Resto Grill
地址：銅鑼灣怡和街42-44號華人銀行東區大廈2樓
沒有留言:
張貼留言