一日四餐

六月係瘋癲月，不單止日日OT，連星期六日都要留守家中工作再工作，唉!今個星期日都唔例外，打算一早起來開工，真係希望快啲放長假….

一早就走去街巿逛逛

多塊易拉架海報中見到它

準備全日作戰就要有足夠儲備，即係食糧呀! 一早就走去街巿逛逛，唔好以為我下廚，其實只是打算一次過買齊一日的食糧，然後足不出戶。寶琳街巿門口擺放了多塊易拉架海報，就在雲雲之中見到它，去睇下先。

它不只是一間外賣店

有座位堂食，乾淨企理

旁邊是下單處

唐記包點一向在我心目中只是一間外賣店，估不到這間設有座位堂食。雖然只有大約十個座位，但地方都算闊落，環境光猛，亦乾淨企理。旁邊就是下單處和廚房重地，挺有規模。

蒸飯、點心

蒸包和飲品

特式客飯

香煎風味包、粥品推介和壽桃

每日精選

四處貼滿餐牌，逐一細看，諗定四餐的配搭，即是早、午、下午茶和晚餐。供應的食物比一般分店多，除了有蒸飯、點心、蒸包和飲品外，還有特式客飯、香煎風味包、粥品推介和壽桃。

***********************

早餐打算食.....

雞扎一客兩件

每件如我拳頭般大，好有份量

芋頭好粉綿

早餐打算食……要一客雞扎、一個麥皮饅頭和一支黑芝麻豆漿。雞扎Tofu Sheet Rolls with Chicken ($18)一客兩件，每件如我拳頭般大，好有份量。多塊嫩滑的腐皮捲着爽嫩的豬肚、嫩滑的雞肉和粉綿的芋頭，如加埋魚肚就更吸引。

麥皮饅頭的麥皮分佈平佈，多份口感

見到一絲一絲，好軟熟

麥皮饅頭 Mantou with Oatmeal ($5)非常大個，絕對是飽肚之選。把其搣開，見到一絲一絲，好軟熟，而幼細的麥皮分佈平佈，多份口感，比白饅頭更有益。

黑芝麻豆漿味道香濃，唔會太甜

我最喜歡早上飲豆漿，而黑芝麻豆漿 Black Sesame Soya Milk ($9)就更討我喜歡。一支500ml，註明無添加人造色素和防腐劑。選用加拿大一級黃豆，再加入黑芝麻，更有益健康，味道香濃，入口順滑，又唔會太甜，好岩我口味。

***********************

它是今日主角，只需$20

鳳爪排骨飯並沒有將貨就價，份量好足

鳳爪腍嫩

排骨腍嫩

午餐就食一客鳳爪排骨飯 Steamed Rice with Spare Ribs & Chicken Feet ($20)，因為它是今日主角，只需$20，並沒有將貨就價，份量好足，有不少排骨、一些椰菜和兩件鳳爪。蒸飯不會濕淋，索了些肉汁，加埋蒸飯豉油，更好味，而排骨和鳳爪都幾腍嫩，不錯!

***********************

黑麻蓉包是我心水推介

3:30pm時間到，即是食下午茶，翻熱個我心水推介的黑麻蓉包 Black Sesame Bun ($7.5)，每次吃它都沒有令我失望。包內滿載黑芝麻蓉，仲混入不少白芝麻粒，啖啖甘香的芝麻，又不甜膩，好味!

***********************

特式客飯之一

咖哩牛筋飯好有份量，味道香濃

最後就是晚餐，在四款特式客飯中揀了一客咖哩牛筋飯 Rice with Curry Beef Tendon & Brisker ($29)。約有五大件牛腩，當中有兩件牛筋，還有些薯仔，加埋大大碗白飯，真係好有份量，相當抵食。咖喱味香濃，辣味慢慢滲出，好惹味，用來佐白飯一流，真係可掏多兩啖飯，哈!

牛筋滑嘟嘟，富有膠質

牛腩很腍嫩入味

牛筋滑嘟嘟，富有膠質；牛腩夾雜筋膜，既有咬口，亦很腍嫩，一點也不肥膩，且非常入味，濃濃的咖哩香，讚!

---------------------------------------------

由買外賣回家之後，一直留守家中，除食之外，就是工作，幸好一早準備食糧，滿足了我一日四餐，唔駛煩就可專心完成工作。不知下星期日又會不會是這樣呢? 唉….

店名：唐記包點

地址：將軍澳欣景路8號新都城中心2期地下街市M105-M106號舖