最愛的

其實老爸是一月初生日，但因老媽早排弄傷腳，老爸寸步不離地照顧她，所以也沒有外出慶祝，仲勞碌一個月有多。想好好慰勞他，就趁老媽漸漸康復，一於跟老爸補吃生日飯。事實上，我每年都用心找間好餐廳跟老爸慶祝生日，今年也不例外。

設計簡約優雅

選用我最喜歡的Tiffany Blue顏色為主調

大部份是二至四人枱

正中間就是取食物區，相當方便

餐廳選用我最喜歡的Tiffany Blue顏色為主調，所以我覺得特別舒服。設計簡約優雅，配一排落地玻璃窗，感覺開揚。大部份是二至四人枱，亦泊了一張大長枱，還有舒適的長化座配二至四人枱，枱椅擺設得整整齊齊，而正中間就是取食物區，相當方便，亦坐得很舒適自在。

Semi-Buffet Dinner   豐富兼抵食

 老爸話年紀大，吃Buffet唔抵，但又想他吃得開懷，Semi-Buffet 就最適合不過。Walter Bistro正推出Semi-Buffet Dinner，除了有自助區的食品外，每人還包半隻龍蝦或香煎鵝肝、一盅燉湯、一客主菜和一杯餐飲，星期一至四成人$488+10%；星期五至日及公眾假期成人$528+10%，而小童就$184+10%不包主菜，信用咭仲有八折添，豐富兼抵食。

*****************

半隻龍蝦有很多甘香的龍蝦膏

色澤亮麗，肉厚彈牙

我倆都不吃內臟，故齊齊要半隻龍蝦Half Lobster。嘩! 大大隻的凍龍蝦色澤亮麗，肉厚彈牙，鮮甜美味，仲有很多甘香的龍蝦膏，難以抗拒的誘惑，優質!

*****************

人參雞湯味道甘香，補氣養生

湯料豐富

再來一盅熱度十足的燉湯，是日為人參雞湯，散發着陣陣鮮香。湯身清澈見底，湯料豐富，有甘香的人參、腍嫩的瘦肉和雞肉等，燉得好夠火喉，味道甘香，補氣養生，美味得很！

*****************

香煎鱸魚柳配普羅旺斯雜燴擺設精美，配搭美味

存有肉汁，挺嫩滑，鮮香美味

主菜有六款選擇，唔駛問我當然揀香煎鱸魚柳配普羅旺斯雜燴 Pan-fried Seabass with Ratatouille，擺設相當精美。鱸魚柳大小厚薄適中，底面都金黃， 潔白的魚肉片片分明，並無散爛，存有肉汁，挺嫩滑，鮮香美味，跟稍稍香脆的魚皮同吃更吸引。而配菜就有酸咪咪的普羅旺斯雜燴、清爽的西蘭花和爽嫩無渣的蘆荀，都很美味。

****************

油封法國鴨脾伴法式焗豆實在教人回味

肉質紅潤，油潤而不膩，腍嫩亦有咬口

老爸就選了一道油封法國鴨脾伴法式焗豆 Confit French Duck Leg, White Bean Cassoulet，賣相精美吸引。選用體積中等的法國鴨腿，鴨皮弄得金黃可口，連帶着一些甘香的肥膏，啖啖鴨油香，而肉質就色澤紅潤，油潤而不膩，腍嫩得來亦有咬口，實在教人回味。配菜就有粉綿的焗白豆和爽嫩的法式邊豆，兩者都很合我口味。

****************

冷盤食物都唔少

生蠔不算肉厚肥美，但相當鮮味

坐定定品嚐完美味的前菜和主菜後，是時候動動身去自助區。雖話半自助餐，但其實自助區的食物都唔少，冷盤、熱葷和甜品都有些。先看看冷盤，有凍海鮮、DIY沙律、多款芝士、壽司、刺身、凍肉和預製沙律。第一碟先取生蠔，雖不算肉厚肥美，但好creamy，且相當鮮味。

壽司、刺身

鮮味十足

刺身有四款選擇，包括三文魚、帶子、吞拿魚和八爪魚，而我就揀了前兩者。三文魚色澤亮麗，油脂分佈平均，肉質柔軟油潤，鮮味十足；帶子同樣吸引，又肉嫩又鮮甜，優質！

沙律要encore ！

再來一碟豐富的沙律，DIY沙律有雜沙律菜、粟米、車厘茄、麵包粒和多種醬汁，而預製沙律就有四款，包括希臘沙律、薯仔碎蛋沙律、蘋果沙律和泰式粉絲沙律。DIY沙律配料非常新鮮清爽，淋上意大利醋，酸咪咪好醒胃，而四款預製的沙律都不錯，最喜歡是泰式粉絲沙律，爽口惹味，辣辣地又係好醒胃，當然要encore ！

凍海鮮樣樣都好新鮮

繼續凍食，就係凍海鮮啦！選擇有長腳蟹、凍蟹、大蝦和翡翠螺，雖然我一向怕拆殼，但見好新鮮，就樣樣要齊試下，果然無令我失望。長腳蟹肉質鮮甜；凍蟹多膏鮮味；大蝦爽彈；翡翠螺爽腍，質素佳! 

****************

西湯甘鮮；中湯夠火喉

除每位奉送燉湯外，自助區還有中西湯提供，分別是海鮮忌廉湯和粉葛蘿蔔豬骨湯。前者味道甘鮮，無落太多忌廉，所以不漏滯；後者煲得夠火喉，好順喉，同樣好喝！

****************

熱葷

熱葷

四款也不錯

喝完熱湯，暖返晒！繼續熱葷，就要齊四款。吉列龍利魚柳、金華火腿上湯娃娃菜、南乳豬手和椰香咖喱雞。老爸大讚南乳豬手，又腍滑又入味，他encore 了幾次，而我就喜歡吉列龍利魚柳，金黃香脆，一點也不油膩，魚肉又嫩滑，蘸些他他醬更美味；金華火腿上湯娃娃菜也不錯，清新爽嫩，帶些金華火腿的鹹香。

****************

甜品豐富

六款啲骰精美的凍餅

估不到甜品都咁豐富，除了自助區外，還有一個餅櫃，款款都好精美，慢慢睇先！有桂花啫喱杯、野莓好凍、木槺布甸杯、四款迷你蛋糕、麵包布甸、蘋果金寶、馬卡龍、焦糖燉蛋、窩芙、鮮果和雪糕，而餅櫃就有六款啲骰精美的凍餅，包括藍莓芝士蛋糕、提拉米蘇、薄荷朱古力慕絲蛋糕、芒果慕絲蛋糕、焦糖朱古力慕絲蛋糕和開心果意大利芝士蛋糕。

雪糕是我最愛Movenpick 品牌

雪糕窩芙作為生日蛋糕，配搭又香脆又香滑，一流！

一心諗住跟老爸賀生日，所以有備而來，帶定生日牌，就DIY一份雪糕窩芙作為生日蛋糕，大家覺得靚嗎？雪糕是我最愛Movenpick 品牌，仲要是獨立杯裝，有朱古力味、楓糖合桃味、雲尼拿味和士多啤味，好吸引！取件金黃的窩夫，放上楓糖合桃味雪糕，淋些朱古力醬，配些鮮果，這配搭又香脆又香滑，一流！老爸非常滿意，好開心！

款款都好精美

蛋糕都要吃，揀了提拉米蘇、薄荷朱古力慕絲蛋糕、芒果慕絲蛋糕、焦糖朱古力慕絲蛋糕、開心果意大利芝士蛋糕、香蕉蛋糕、香桃蛋糕、麵包布甸和蘋果金寶。我最喜歡是提拉米蘇，咖啡味和酒味香濃，仲好幼滑，好吃！薄荷朱古力慕絲蛋糕都幾特別，薄荷味非常突出。老爸就喜歡又滑又香甜的芒果慕絲蛋糕，亦讚香蕉蛋糕夠鬆軟，唔會好甜，啖啖香蕉味。

****************

蕃薯糖水夠晒薑辣，驅寒暖胃

最後當然要杯餐飲配甜品，我要杯滋潤順喉的檸蜜，而老爸就要消滯解膩的檸茶，完美！但大家都唔夠喉，最後齊齊要碗蕃薯糖水，熱辣辣，仲夠晒薑辣，驅寒暖胃，真係好岩我。

---------------------------

每年都為老爸悉心挑選一間餐廳賀生晨，老爸話今年的餐廳是最愛的，其實他年年都話係最愛的！我諗....主要是有我這個最愛的女兒配他 祝，所以樣樣都變成最愛的，哈！

下個月的Semi-Buffet Dinner

題外話：店員介紹下個月的Semi-Buffet Dinner自助區食物有變動，凍海鮮改了每位一客海鮮拼盤，還配   3 pcs Spanish Tapas，定價為星期一至四成人$428+10%，信用咭仲有折，的確好吸引。

店名：Walter Bistro

地址：觀塘巧明街97號智選假日酒店1樓