越食越滋味

自上次跟友人吃飯便發現他跟我一樣很喜歡吃酸菜魚，太好了！終於有位同行者。今晚就齊齊去這間打正旗號食酸菜魚的小店試試。

門口光鮮

整齊企理，環境光猛

地方寬敞闊落

店子門口光鮮，內裏整齊企理，環境光猛。地方寬敞闊落，設有多排卡座，亦有長沙發座配二至四人枱，坐得舒適。

一人、二人套餐

多份餐牌

二人套餐又超值又豐富

有多份餐牌，我哋第一時間就睇中二人套餐（$228）包冷盤、主菜、小炒和兩碗白飯，仲要免茶芥和加一服務，真係又超值又豐富！

麻辣水晶粉皮正合我口味

晶瑩剔透，滑嘟嘟

冷盤揀了麻辣水晶粉皮，晶瑩剔透，滑嘟嘟，配上粒粒甘香的芝麻，啖啖麻油香，雖見辣油，但味道唔會太辣，正合我口味，喜歡!

智尊金湯酸菜魚（少辣）勁大盆

魚肉白滑鮮嫩

薯粉和大豆芽索晒湯，酸辣惹味

酸酸辣辣，仲有鮮香味

一心來吃酸菜魚，必揀智尊金湯酸菜魚（少辣）。嘩嘩嘩! 勁大盆，湯底仲有大量薯粉、大豆芽和紹菜，份量十足。湯味道酸酸辣辣，仲有鮮香味，原來以魚、雞和南瓜等食材熬成，越喝越滋味，好正! 採用生魚，相當白滑鮮嫩，啖啖肉，而薯粉和大豆芽索晒湯，酸辣惹味。

麻婆豆腐香辣惹味

用來撈白飯一流

麻婆豆腐香辣惹味，豆腐非常滑溜，配埋大量肉碎，最岩用來撈白飯，一流!

蔬菜類

頂湯翡翠苖有營之選

翠綠鮮嫩

另加一碟頂湯翡翠苗（$78），半浸上湯中，沒有泛油光，味道清新，翠綠鮮嫩，加了些火腿乾，添些鹹香，有營之選。

不知不覺也愛上酸菜魚，它酸酸辣辣的味道令人越食越滋味，越食越上癮，回味無窮！