滿滿蟹粉 滿載滋味

朋友好喜歡食蟹，佢一人嚟過夏麵館幾次，都係為咗食呢度的蟹粉系列菜式，但一直都試唔到其中一款，因為實在大多蟹粉，一食的話就太瘋狂，所以今晚搵埋我。

環境優雅得體

地方好寬敞

闊落的卡座，坐得好舒服

店舖環境優雅得體，地方好寬敞，有多張四人枱，最鍾意係有啲高背及闊落的卡座，坐得好舒服。 

單點

單點

特選套餐

可剔餐紙或QR code下單，有多款特選套餐和單點，包括涼菜、湯羹、小菜、飯、麵、甜品、點心等。

哆唻咪好難抗拒呀！

啖啖蟹肉，甘香鮮美留在口中

配蒸銀絲卷食

蒸銀絲卷好軟熟

啖啖蟹肉

好難抗拒呀！

朋友一直想食係哆唻咪（$118/半份）。嘩！滿滿的蟹粉浸着鮮黃色的蟹油中，仲見到唔少蟹黃和爽口的河蝦，好難抗拒呀！的確要兩個人食。餐單寫住建議配饅頭食，但我地就要了蒸銀絲卷（$28/份）。將蟹粉放在軟熟的蒸銀絲卷上，咬一啖就全口充滿蟹油香，啖啖蟹肉，甘香鮮美留在口中。 

夏味燻蛋充滿蛋香，仲黏滑

仲要了兩款三份涼菜，有夏味燻蛋（$14/1隻），雖然流心狀不明顯，只是稍稍流心，但呈蛋黃充滿蛋香，仲黏滑，好食！

 

夏伯伯涼拌茄子爽嫩入味

夏伯伯涼拌茄子（$36）每條都好工整，加咗醬膏，鹹鹹地又甜甜地，爽嫩入味，有風味！

 

熱爆燻魚炸到金黃，香脆可口

熱爆燻魚（$65）睇佢碟細細，但原來都有唔少件。件件都炸到金黃，香脆可口，唔會燻到硬屈屈，但食嗰時就要再點啲醬汁，更有味道。

---------------------

店名：夏麵館 (新都城中心) (將軍澳)

地址：將軍澳貿業路8號新都城中心2期2樓2013號舖

藍色小店

今日與同學去香港大學參觀，完成後大家就一齊去附近覓食。行下行下，見到小巷裏有間藍色小店，感覺好舒適別緻。

小巷裏有間藍色小店

整齊企理，擺設好有心思

開放式廚房

薄荷檸檬水好fresh，好好飲!

地方小小，只有四枱和開放式廚房，但整齊企理，擺設好有心思，十分雅緻。自助形式，所提供的薄荷檸檬水好fresh，好好飲! 

Yogurt Bowl

Drinks

foods

藍色的menu，跟小店設計好襯，有Snacks、Salad、Pita Pocket、Pasta、Yogurt Bowl 和Drink供應。

******************************

蕃茄醬慢煮雞胸意粉香味十足

慢煮雞胸肉嫩兼有點彈牙

意粉好有嚼勁

點了兩客意粉，先上蕃茄醬慢煮雞胸意粉 SHAKSHUKA Baked Chunky Tomatoes/ Slow cooked Chicken Breast（$128）未上枱已聞到陣陣的香味，令人不禁垂涎！意粉煮得剛好，好有嚼勁，煙煙韌韌，剛好掛滿蕃茄醬汁，還有好香的香草味，香濃醒胃，加埋爆汁的車厘茄，好鮮活。慢煮雞胸果然不同，一點也不嚡口，肉嫩兼有點彈牙，簡單以香草調味已很好味！

******************************

煙三文魚菲達芝士醬意粉芝味滿分

煙三文魚油潤肉嫩，帶有煙燻香

意粉沾滿濃厚的芝士醬

另一款是煙三文魚菲達芝士醬意粉 SEOI SPECIAL Smoked Salmon/ Garlic / Feta Cheese ($128)，同樣香氣十足。意粉一樣好有嚼勁，口感佳，沾滿濃厚的芝士醬，味道鹹香，芝味滿分，仲加了不少爽口的雜菌，正！煙三文魚捲成一朵大玖瑰，很美！油潤肉嫩，帶有煙燻香，但唔會過鹹，優質不俗。

******************************

熱竹炭黑芝麻拿鐵有好香濃的芝麻香

我要杯熱竹炭黑芝麻拿鐵 Hot Black Latte（$40）有個多瓣的心形拉花圖案，清晰挺身，很美！好香濃的芝麻香，亦有奶香，甜度適中，好好飲。

凍朱古力牛奶味好濃

同學揀了杯凍朱古力  Cold Chocolate ($42)冰涼透心，牛奶味好濃，也有朱古力味甜美。

------------------------------

這間藍色小店好有海洋feel，給人寧靜的感覺，全程都坐得舒適自在，跟同學食得寫意，感覺好好！

 

店名：SEOI

地址：西環西營盤水街4D號地舖

 

雞煲、烤魚、串燒都有齊

雖然我一向鍾意去cafe, 但有時都要陪下男朋友食佢鍾意嘅嘢。佢就鍾意雞煲、烤魚、串燒、大排檔等，仲好鍾意邊食邊飲啤酒。好啦！今晚就陪佢飲返杯。

有齊雞煲、烤魚和串燒

環境光猛

呢間店有齊雞煲、烤魚和串燒，一定岩晒佢。餐店地方唔算大，有幾張四人枱，整齊企理，環境都光猛。

有幾嗰項目

有幾嗰項目

畫紙仔點菜，有幾嗰項目，包括烤魚、雞煲、海鮮類/時令、涼拌系列、黃金系列、烤蔬菜、串燒、火鍋配料和飲品。 

藍妹啤酒飲下食下，爽! 

男朋友揸主意，佢先點支藍妹啤酒 ($40），是大支裝，當然一滴不留，飲下食下仲想再來多一支，真飲得! 不過，他也適可而止。

燒韮菜翠綠爽嫩

香辣惹味！

再上幾款串燒。燒韮菜（ $15）好翠綠爽嫩，有韭菜香之餘，仲配咗啲香辣醬和味粉，香辣惹味！ 

烤牛舌和烤羊肉串好有風味！

烤牛舌 （ $22/串）和烤羊肉串（$28/2串）齊齊上枱，熱辣辣。牛舌係薄切，唔爽口，口感一般，但就好腍嫩入味，鹹香帶辣。烤羊肉串就好肉嫩，有少許油潤的肥膏，食到啲啲羊羶味，加埋孜然粉，好有風味！ 

蒜蓉燒茄子勁有蒜香，鹹香惹味

好腍軟，完全唔乾身

蒜蓉燒茄子（$48/原條）面頭灑滿調味粉和蒜粒，燒至金黃，好靚！勁有蒜香，鹹香惹味，茄肉仲好腍軟，完全唔乾身。雖然茄子係吸油之物，但食落無油淋淋，正！

蒜香烤魚好豐富

配料好入味，好正！

三款烤魚中揀咗蒜香烤魚（$268/原條），邊滾邊吃， 熱辣辣。呢條魽魚都幾大條，而配料份量都唔少， 有金菇、芽菜、紹菜、萵荀、薯仔、洋蔥、芫茜、豆卜等，仲有薯粉，好豐富，滾耐咗仲好入味，好正！

再滾下先食就更入味

肉質挺嫰滑

魚已煎至金黃， 再滾下先食就更入味。魚肉雖不算肥美，但肉質挺嫰滑，蒜香味不會太濃，所以食到魚本身的味道。

皇帝菜翠綠新鮮

再加多份皇帝菜($38)，好翠綠新鮮，放喺烤魚裏灼一陣，好爽嫩，不錯! 

 

店名：串得喜

地址：土瓜灣落山道96號橋發大廈地舖

放慢腳步

“A moment to slow down and appreciate the good things in life.” 「放慢腳步，欣賞生活中的美好事物」今晚就同朋友放慢腳步，來到這間舒適的小餐店，慢慢食慢慢傾，享受兩人相處的時間，的確是美好的事。

放慢腳步吧!

優雅舒適

整體企理

餐廳地方不大，但好有情調，整體企理，簡簡單單的擺設，優雅舒適。 

飲品

單點

單點

套餐

有套餐、單點、甜品和飲品，因為朋友已食咗嘢，所以今晚只選了一份主菜和兩份小食。 

西蘭花忌廉湯新鮮製作，的確好fresh

是日例湯係西蘭花忌廉湯（$28），店員話日日新鮮製作，的確好fresh。質感豐厚綿密，滿有西蘭花香，仲有啲薑的辛辣，飲落唔漏滯。 

香濃黑松露醬配粗薯條嗰醬好好味

朋友想飲啤酒，就點咗兩款香口嘢送酒。香濃黑松露醬配粗薯條（ $58）炸得金黃香脆，我最鍾意就點滿黑松露沙律醬，嗰醬好好味，好香濃！

牛油果蟹肉脆餅雙重滋味！

牛油果蟹肉脆餅啖啖蟹肉，加埋幾粒魚三文籽，更鮮美，牛油果醬就好黏滑，混入一些蔬菜粒，跟超級脆口的脆餅同食，雙重滋味！

炭燒西班牙黑毛豬梅頭烤日本甜薯好有炭燒香，風味十足！

腍嫩油潤

爽口多汁的大啡菇

炭燒西班牙黑毛豬梅頭烤日本甜薯（ $298）用心之作！黑毛豬梅頭好有炭燒香，風味十足！肉質腍嫩，好鮮香；夾雜着脂肪，好油潤，正！加啲自家製燒汁，中和咗油膩感，好夾！配菜有青香爽嫩的京蔥、粉綿甜美的手指薯和爽口多汁的大啡菇，三款我都喜歡。

Hot Hazelnut latte好有榛子的甜美

傾下食下，唔駛急，慢慢來，我就要咗杯咖啡提提神。Hot Hazelnut latte ($42)熱度夠，咖啡味唔算好濃，反而好有榛子的甜美。而朋友一早就要了杯Samuel Adams Draft Beer ($58)，凍涼透心，好有麥香，好爽喎!

店名：Fika

地址：將軍澳坑口村24號地舖