豐富早餐

出發去城門水塘前食嗰豐富早餐

見呢幾天天氣不錯，當然要外出走走，今日就同男朋友行城門水塘，出發前先食嗰豐富早餐。

大型落地玻璃窗寬敞開揚，好舒服

感覺舒適寧靜

落車行一陣就見到呢間粉色的咖啡店，感覺舒適寧靜。開放式門口，加埋大型落地玻璃窗，寬敞開揚，好舒服。內有一張坐十人的長枱、三張圓枱和一張長沙發座配幾張四人枱。

早餐時段

加錢轉某些飲品

早餐時段由8:00am-11:30am，有十多款和三款牛角包，仲有甜品揀，包一杯Single Origin Brew Coffee，亦可加錢轉某些飲品。

雞扒芝士奄列配多士配杯Single Origin Brew Coffee

大大份，脹卜卜，份量幾足

拉出一絲絲的已溶芝士

男朋友鍾意食肉，點咗雞扒芝士奄列配多士（$72），熱辣辣上枱，好勁蛋香。金黃的奄列大大份，脹卜卜，份量幾足。煎得剛好，蛋都幾滑溜，中間包着嫩滑的雞扒，拌着拉出一絲絲的已溶芝士，味道鹹香，好食！多士少少煙韌，塗上牛油或配奄列也好味。

Single Origin Brew Coffee甘苦中有少少果酸

早餐配杯Single Origin Brew Coffee（$0/跟餐），味道香濃，甘苦中有少少果酸，男朋友讚唔錯。

配搭健康有益，食落好fresh

我就鍾意食素，要份牛油果蕃茄芝士意大利三文治（$74）同樣熱烘烘上枱，正！意大利包烤至外脆內軟，香脆可口，夾着香滑的牛油果、新鮮的蕃茄和半溶芝士，配搭健康有益，食落好fresh，岩晒我口味。

Uji Ceremonial Matcha Latte入口香滑，少少甘苦

加錢要了杯Uji Ceremonial Matcha Latte($11/reg 跟餐)是個多瓣的心形，清晰挺身，毫無粗泡，靚！入口香滑，有抹茶的幽香，少少甘苦，岩我口味！

咖啡胡桃蛋糕大大件，好厚身

糕身鬆軟，淡淡咖啡香

男朋友唔夠飽，再加多件自家製蛋糕。咖啡胡桃蛋糕 （$30）大大件，好厚身，烘至糕邊和果仁有啲脆，糕身就鬆軟，食落暖暖地，淡淡咖啡香，甜度適中，唔錯！

 

店名：Espresso Alchemy

地址：荃灣楊屋道8號如心廣場商場一期地下G02號舖