好chill

同朋友行完柏架山道就去鰂魚涌搵嘢食，見到一間好chill嘅餐店，仲用咗我最鍾意嘅粉蘋果綠顏色，就咁吸引咗我件去。

好舒適寫意

柔和燈光和播住輕快台灣歌

窗台枱前一排大窗，真係好舒適

窗台枱前一排大窗，望住綠葉，真係好舒適。坐在一排的長梳化座，加埋柔和燈光和播住輕快台灣歌，超寫意。

選擇都唔少

經濟實惠

選擇都唔少，有早餐、全日午餐、下午茶、小食、飲品，仲有預訂到月會食品，定價都經濟實惠。

鯛魚鹽酥雞台灣麵份量足！

溏心蛋香滑

鹽酥雞外脆內嫩，味道鹹香

鯛魚肥美入味

點咗碗鯛魚鹽酥雞台灣麵（$78）大大碗，仲加咗清爽的棠生菜和半隻香滑的溏心蛋，份量足！台灣麵滑嘟嘟，有咬口；鯛魚色澤亮麗，沾滿醬汁，非常入味。魚肉有層甘香油潤的魚油脂，相當肥美，很吸引！鹽酥雞炸得金黃，外脆內嫩，啖啖肉，食落無油淋淋，味道鹹香，正！

肉燥伴A菜配搭好夾

還追加了肉燥伴A菜 （+$19），清新爽嫩的油麥菜淋上鹹香的肉燥，好夾！肉燥肥瘦適中，烹調入味，用來撈飯就正！

熱蘋果蘆薈蜜滋潤甜美

熱蘋果蘆薈蜜（+15）大大杯，仲有唔少蘋果粒同蘆薈粒，甜度剛好，滋潤甜美。

貴妃雞卷配炸雙色地瓜條好食又抵食

貴妃雞卷好有肉香，好好味！

炸雙條地瓜條香脆無渣

下午茶餐更經濟實惠，配搭都吸引，要咗份貴妃雞卷配炸雙色地瓜條（$38），份量都唔少。貴妃雞卷外層是一層烤得香酥的雞皮，包住嫩滑雞肉，好有肉香，好好味！紫地瓜和黃地瓜都香甜，香脆無渣，又唔油淋淋，如果配啲梅子粉就更有風味！

麻辣皮蛋香辣惹味

再追加麻辣皮蛋（+$12），朋友最愛。皮蛋面舖滿麻辣醬料，一食就感到香辣惹味，滋味過癮。

凍益力多爆珠綠茶酸酸甜甜

朋友就飲凍益力多爆珠綠茶（+$15），佢話味道酸酸甜甜，而綠茶中和咗益力多的甜，連埋爆珠同飲同食，不錯！

 

店名：Lilium

地址：鰂魚涌海光街13-15號海光苑地下3-4號舖