色香味俱全

今日男朋友帶咗我去遊東涌，唔係去outlets shopping，而係去行東涌觀景山和東涌海濱長廊，老實講，兩個地方我都喺第一次去，真係好靚！大家又覺得點？

東涌觀景山

真係好靚！

設計簡約優雅

開放式的環境，樓底高

坐得好寫意舒服

行完山仲帶咗我去食茶木，放心….雖然唔係呢間分店，但茶木我都有去過。木系為主，設計簡約優雅，開放式的環境，樓底高，感覺開揚寬敞，仲播住輕柔的歌曲，坐得好寫意舒服。

一人晚餐

一人晚餐

二人餐

好多選擇

好多選擇

好多選擇

好多選擇

餐牌設計得幾靚，仲有好多選擇，有單點、一人晚餐和二人餐，套餐的選擇亦有不同，我們就揀咗兩份一人餐，再追加小食，超級豐富。無計啦！行完山好肚餓…. 

鳳梨鮮果甜酸肉轉肉燥飯色香味俱全

甜酸肉好爽嫩

一人晚餐要咗鳳梨鮮果甜酸肉轉肉燥飯($128+$10) ，嘩！真係要講句色香味俱全，用心的擺設，色彩繽紛的賣相，見到都開心。甜酸肉好爽嫩，加咗甜美多汁的新鮮鳳梨、士多啤梨、火龍果和果醬煮成，味道酸酸甜甜，中和肉的油膩，反而越食越開胃，好好味！我哋邊食邊讚，哈！

肉香拌白飯，好自然爬多幾啖

肉燥飯(+$10)好入味，無混入太多肥膏，吃落唔會太過肥膩，但亦有啲油潤，肉香拌白飯，咁正就好自然爬多幾啖飯。

黃金鹽酥雞香脆可口

紅油抄手皮薄滑饀多

追加兩份小食，有黃金鹽酥雞 （$22.00 /半份）一粒粒，啖啖肉，炸得乾唔油，香脆可口，味道鹹香，不錯！仲有紅油抄手($20.00/半份）一份四隻，皮薄滑饀多，稍稍香辣，好味！

羅氏蝦龍蝦汁手作麵賣相一流！

手作麵果然不同

羅氏蝦煎得乾身了一點

另一人晚餐要咗台南海鮮之旅嘅羅氏蝦龍蝦汁手作麵($128），賣相一流！手作麵果然不同，質感煙韌有嚼勁，鮮香的龍蝦汁掛在麵條上，伴埋爽口的雜菌和洋蔥，味道和口感都正。羅氏蝦大大隻，肉厚鮮香，但可惜煎得乾身了一點….

櫻花蝦魚湯浸娃娃菜鹹鮮爽嫩

追加咗櫻花蝦魚湯浸娃娃菜($22.00/半份)，爽嫩的娃娃菜浸在鮮香的魚湯中，仲加一大堆櫻花蝦乾，添上鹹鮮。

台式滷味拼盤好豐富！

流緊的溏心蛋吸引到不得了

牛𦟌夠腍嫩，牛味濃

單點了一份台式滷味拼盤（ $ 86），有成七款食材，仲要將半隻流緊的溏心蛋放在中間，吸引到不得了！有溏心蛋、滷豆腐、牛𦟌、牛肚、雞翼、腩肉和花生，好豐富！最愛溏心蛋，靚仔亦香黏滑，正！滷豆腐又滑又入味；牛𦟌夠腍嫩，牛味濃，亦好入味，好味！

熱水蜜桃花果茶味道甘香，甜美滋潤

套餐仲可以優惠價配飲品，男朋友要熱水蜜桃花果茶($21/跟餐價），以一個透明的茶壺盛載，另配小杯蜜糖。內有不少水蜜桃乾和花乾，味道甘香，加些蜜糖，甜美滋潤。 

佛手柑水果四季青萱茶酸酸甜甜

我就要壺熱佛手柑水果四季青萱茶 （$15 /跟餐價），內有很多不同種類水果，茶色淡黃。飲落有鮮果的酸甜，都有四季青萱茶的甘香，味道酸酸甜甜，解膩消滯。 

10週年晚餐升級甜品送贈

珍珠奶茶雪糕好香滑

白巧克力抹茶可頌窩夫鬆脆，好有牛油香

剛好係店嘅10週年，有10週年晚餐升級甜品送贈，太開心！揀咗精選冰淇淋和可頌窩夫。珍珠奶茶雪糕（$0/送贈）好香滑，淡淡的茶香，配上甜美的黑糖珍珠，不錯！白巧克力抹茶可頌窩夫（$0/送贈）鬆脆，好有牛油香，加埋奶茶雪糕同食，一凍一暖，好滋味！

 

店名：茶木‧台式休閒餐廳

地址：東涌達東路20號東薈城名店倉地下G24號舖