抖一抖好地方

男朋友陪我shopping，雖然我仲未血拼完，但見佢行到無晒力，估佢都要坐低抖下。 

感覺舒適休閒

裝潢簡約

仲有個小小餅櫃

可坐低飲下嘢

見呢間茶飲有幾張二人枱可坐低飲下嘢，岩晒！設有開放式的泡茶區和意大利雪糕區，仲有個小小餅櫃，裝潢簡約，感覺舒適休閒。 

八類飲品

熱花蜜人蔘烏龍真材實料

八類飲品有水墨風、雪糕奶昔、經典奶茶、乳香茗茶、焦糖芝士、冰搖茶、精選純茶和養生茶，我哋要杯熱花蜜人蔘烏龍（$38），暖笠笠。茶面有幾條幼幼地的蔘，真材實料，含在口中好甘香。茶色澤濃，茶味蔘味都有，仲有花蜜的甜美，甜度剛剛好，滋潤順喉。

今日雪糕口味

意大利雪糕區

雙球意式雪糕有開心果味和雜莓乳酪味

雜莓乳酪味雙重酸，食落好fresh

開心果味味道好香濃

買飲品就可用優惠價追加甜品或雪糕，抵！我哋要杯雙球意式雪糕($50/追加價），揀了開心果味和雜莓乳酪味。兩款都好香滑，我就較喜歡開心果味，味道好香濃，啖啖都食到果仁香，如果混入一啲開心果碎粒就更吸引；男朋友就鍾意雜莓乳酪味，酸酸甜甜的乳酪再加酸咪咪雜莓粒，雙重酸，食落好fresh，好醒神。

 

店名：茶墨

地址：尖沙咀彌敦道100號The ONE 4樓L411號舖