好推介

今日去開佐敦做物理治療，就馬上去「開飯喇」搵吓附近有咩好推介，就發現到呢間抵食的日本店。$88一個set，指定時段仲要第二位半價，雖然我同男朋友唔能夠在指定時段用餐，但睇落$88一個set都好抵。

發現到呢間抵食的日本店

和風設計，簡約舒適

座位唔算多

店子和風設計，簡約舒適。有圓枱和方枱，仲有單人吧枱位，座位唔算多，但枱同枱都有距離。

IPad餐牌

幾多嘢揀

幾多嘢揀

幾多嘢揀

幾多嘢揀

睇吓IPad餐牌，有套餐外，還有壽司、卷物、主食、時令海鮮、燒肉、蔬菜、丼飯、串燒等等，估唔到都幾多嘢揀。

四款套餐

四款套餐

四款套餐

四款套餐

一人揀一款，擺得好精美

四款套餐「金」、「銀」、「銅」和「鐡」，每款有五道菜，我哋一人揀一款，擺得好精美。

「銀」套餐更動了一些項目

明太子雞翼超正

藏滿辣辣地明太子

枝豆青綠半腍

我要「銀」套餐($88)，但因為部份菜式好好賣，所以已經無啦，師傅就按情況更動套餐的項目。「銀」套餐有枝豆、味咐螺肉、明太子雞翼、紫菜飯和牛肉壽喜燒。枝豆半腍，色澤青綠，仍有咬口，簡單灑上少許幼鹽提味；味咐螺肉彈牙入味，辣辣地；明太子雞翼超正，外皮又薄又香口，內藏滿辣辣地明太子，好喜歡！

壽喜燒湯底加埋鮮香的生蛋

肥牛肉嫩肥美

牛肉壽喜燒有幾片肥牛，肉嫩肥美，幾有牛味，仲有椰菜、洋蔥、冬菇、秀真菇、大蒜和甘荀，鮮嫩爽口。甜甜地的壽喜燒湯底加埋鮮香的生蛋，用來撈紫菜飯好好味，如果一路食一路保持溫度就更佳。

「銅」套餐賣相好吸引

兩款炸物都好金黃

芝麻八爪魚沾滿醬汁

男朋友揀了「銅」套餐（$88），有鷄皮餃子、 黑松露芝士炸蝦、豬骨湯烏冬、牛油帆立貝和芝麻八爪魚。兩款炸物都好金黃，香脆又唔油膩，正！較鍾意鷄皮餃子，外皮薄脆，包住啖啖肉，加埋沙律醬，好食！黑松露吉列炸蝦也不錯，蝦肉爽彈，唯獨是黑松露唔突出，可惜! 芝麻八爪魚沾滿醬汁，爽口入味。

牛油帆立貝肉厚肥大

豬骨湯烏冬滑嘟嘟

牛油帆立貝肉厚肥大，鮮嫩彈牙，群邊位就有啲煙韌。豬骨湯烏冬滑嘟嘟，加了木魚碎，令鹹香的豬骨湯底加咗啲鮮味。

 

店名：鐵堂

地址：佐敦白加士街127號地舖