放肆咁食

當想放肆咁食嘅時候，多數會揀去食自助餐或者放題，今晚就同男朋友去咗觀塘大??喜食放題，大家都留定肚要放肆咁食。 

放肆咁食

卡位好寬敞闊落

地方光猛闊落

地方光猛闊落，一行行卡位和長梳化座，所有卡位都好寬敞闊落，坐得好舒適。自助區和飲品區都集中在一個地方，好方便。

晚巿放題時段收費

QR code落單

我地揀咗晚巿放題特價時段，由5:30pm-7:30pm時段，成人($258+10%/位)可任飲任食2小時。我地先馬上用QR code落單點定一些食品，接着就去自助區，把握時間。

有兩款日本酒

超大的飲品雪櫃

梅酒酒味都幾濃，不錯!

先去自助區拎嘢飲。一排超大的飲品雪櫃，有不同牌子的啤酒、茶、汽水、果汁、紙包飲品等，還有熱茶、清酒和梅酒等，超多選擇，好正! 男朋友要罐果汁酒，我就有杯梅酒，梅味唔算突出，但不太甜，酒味都幾濃，不錯!

冷盆區

冷盆區

熱食區

最鍾意係豉汁蒸鱔

再去自助區取食物，熱食有炸物、章魚丸、麻辣小龍蝦、豉汁蒸鱔、糖水和雞湯；冷盆有豬耳、雞腎、沙津菜、泡菜、中華沙律、螺肉、凍青口、凍蝦、卷物等等。我地一口氣拎咗四碟，有清爽新鮮的沙律菜、四款有創意的卷物、雜錦凍盆和豉汁蒸鱔。最鍾意係豉汁蒸鱔，又滑又肥美，仲好入味，我encore了兩三次。凍盆的麻辣雞軟骨夠晒爽脆入味；雞腎亦爽嫩入味，好味!

刺身質素不俗

刺身隨即上枱，點咗三文魚、油甘魚、劍魚腩、赤蝦刺身、甜蝦、希靈魚等等，滿滿一盤，好滿足。三文魚好肥美，柔軟油潤；劍魚腩油潤爽口，好鮮；油甘魚亦很肥美，仲幾爽身；大大隻的赤蝦好鮮甜，微爽黏滑；希靈魚就啖啖爽脆，鮮甜美味，這幾款刺身都質素不俗。

火炙壽司油香滿舖

好快又上壽司，揀咗油甘魚腩、和牛肩胛、火炙帝皇蟹棒、火炙三文魚腩、 火炙左口裙邊和芥末醬燒赤魚。各款經燒的壽司都油香滿舖，肉質油潤柔軟。最喜歡係火炙左口裙邊和芥末醬燒赤魚，甘香油潤，好正! 燒和牛肩胛都好味，半生熟狀，好嫩滑，又有牛香。 

蟹皇扒豆苗要再來多碗

到點燒物、炸物和一品料理，點咗好多款，有蒲燒鰻魚、碳烤羊鞍、西京燒銀鱈魚、粉絲蒸扇貝、炭燒廣島蠔、燒新鮮菠蘿、燒翠玉瓜、榴槤炸彈、野菌炒虎蝦、蟹皇扒豆苗、鮑汁花膠盛宴等。蟹皇扒豆苗熱辣辣，好翠綠爽嫩，仲有蟹香，要再來多碗。

四款都要encore

燒新鮮菠蘿微暖，香甜多汁，相當新鮮。野菌炒虎蝦都要encore，蝦仁大大隻又爽彈；蒲燒鰻魚腍嫩肥美，沾滿甜甜地的鰻魚汁，不錯!  

羊架肉嫩味濃，啖啖肉汁

粉絲蒸扇貝和炭燒廣島蠔都大大隻

羊架肉厚，燒得焦香， 肉嫩味濃，啖啖肉汁，要encore；西京燒銀鱈魚好有魚油香，仲好嫩滑，好味到我點了三次；粉絲蒸扇貝和炭燒廣島蠔都大大隻，味道鹹香惹味，不錯!

甜品凍櫃

雪糕冰櫃

兩款品牌的雪糕都好好味

九成飽要食埋甜品， 選擇都唔少，好滿足。雪糕冰櫃放滿雪糕杯、甜筒、冰條和雪糕糯米糍， 各有不同口味添!而甜品凍櫃就有小蛋糕、慕絲、奶凍、豆腐花等。我地要咗兩杯雪糕、一盒豆腐花、小蛋糕各慕絲各一。兩款品牌的雪糕都好好味，有黑芝麻味和柚子乳酪，味道都好濃。咖啡慕絲就好滑，好香咖啡味，幾好味! 最後，超飽……

 

店名：極尚大瀛喜日本料理 

地址：觀塘觀塘道414號1亞太中心5樓