打咭素咖啡室

我識不少素食之友，估不到今次另一位素食之友又是推介這間樓上素咖啡室給我，還請我吃宵夜，邊吃邊談談他的素食心得，繼續推介多間素食店給我。

門面幾型格

好有大自然氣息，簡約舒適

全部餐枱都是泊牆，舒適整齊

咖啡室是樓上舖，門面幾型格，內裏以黑白色為主，配上一些綠色植物，好有大自然氣息，簡約舒適。全部餐枱都是泊牆，多是二至四人枱，還有露天座位，舒適整齊。

食品餐牌

飲品餐牌

細閱兩份餐牌，食品和飲品各一。食品有頭盤、主菜、烘焙食品和甜品，而飲品就則有咖啡、茶、凍飲、養生飲品、熱飲、奶昔和沙冰。

*****************************

泰式小食拼盤好豐富

我們揀了一客泰式小食拼盤($188/大)，有齊五款食品，每款三件，包括有沙嗲雞、魚餅、雞鎚、素蝦片和春卷，再配些雜沙律菜，好豐富。五款食品各具特，吃時當然要蘸些泰式甜辣醬，還加了花生碎，更有風味。

雞鎚外層脆卜卜

用腐皮捲成

沙嗲雞風味十足

魚餅香辣惹味

好有咬口

素蝦片味道一般

春卷炸得金黃香脆

我最喜歡雞鎚，用腐皮捲成，外層脆卜卜，內裏一片片，煙煙韌韌，拿着大啖咬好滋味；沙嗲雞也好吃，沾滿沙嗲醬，風味十足。朋友就大讚魚餅，香辣惹味，好有咬口，還滿有泰式香草味，正！春卷炸得金黃香脆，捲着爽口的蘿蔔絲、甘荀絲等蔬菜，食落不會油淋淋。唯一今日沒有黃豆餅，改了素蝦片有些失望⋯⋯很香脆，但味道一般。

*****************************

兩杯飲品都好好飲

黑芝麻薑汁豆奶滿有芝麻香 

飲品有不少選擇，以燕麥奶和豆奶沖調為主。我揀了杯黑芝麻薑汁豆奶 Sesame Ginger Soymilk ($48)，三款食材都是我喜歡的。雖用豆奶，但拉花圖案都清晰挺身，很美，証明咖啡師功夫了得。入口順滑，滿有芝麻香，味道不會太甜，若然薑汁味可突出一些就更好。

黑芝麻豆腐沙冰黑芝麻和豆腐好夾

朋友要了杯黑芝麻豆腐沙冰 Black Sesame Tofu Smoothie ($58)，入口冰涼透心。除了黑芝麻香濃外，亦有豆香，因為加了不少滑嘟嘟豆腐，朋友大讚好夾，好好飲。

------------------------

這間樓上素咖啡室環境靚，食物和飲品都靚，真是一間打咭素咖啡室，難怪同時有兩位素食之友推介給我。

 

店名：本原純素

地址：中環威靈頓街112-114號新威大廈1樓102-103號舖