好味抵食外賣之選

男朋友今工收夜，我又出咗去做Facial，所以今晚唔煮飯，齊齊食外賣。

外賣小店光鮮企理

好有朝氣！

做完Facial 就喺附近見到間專做外賣的小店。雖然地方小小，但光鮮企理，仲擺咗啲綠色植物，好有朝氣！

小店啲選擇都唔少喎！

小店啲選擇都唔少喎！

小店啲選擇都唔少喎！

五點後仲竟然有串燒添！

小店啲選擇都唔少喎！有沙律、飯、意粉、薄餅、單點食物，五點後仲竟然有串燒添！

全部賣相都好精美

Papa White酸咪咪好醒胃

幾多雞肉，仲肉嫩

要咗兩款沙律和兩份主食，全部賣相都好精美。Papa White ($48)有螺絲粉、雞肉、芝士粉和番茄醬，整得好入味，酸咪咪好醒胃。都有幾多雞肉，仲肉嫩，好味！

Papa Grey賣相唔錯！

味道唔濃，食落好清新！

Papa Grey ($52)有冷蕎麥麵、雞肉、紅蘿白和香菜，賣相唔錯！蕎麥粉彈牙有咬口，雞肉都係幾嫩，味道唔濃，食落好清新！

牛脷飯轉扁意粉撈上醬汁，煮得岩岩好

牛脷幾厚身，好腍好入味

牛脷飯轉扁意粉（$50+$4）大大份，牛脷有成五大塊，仲幾厚身，好腍好入味，好正！扁意粉撈上醬汁，煮得岩岩好，唔會太淋或太硬，有嚼勁呀！

豬仔脾飯配泰辣汁香辣惹味，好有泰式風味

豬仔脾啖啖肉，又入味又嫩

豬仔脾飯配泰辣汁（$50）香辣惹味，好有泰式風味，用嚟撈白飯一流！有三大隻豬仔脾，揸住支骨嚟食，啖啖肉，又入味又嫩，好鍾意黐住骨的筋膜，好有咬口。

 

店名：Papa Express (尖沙咀)

地址：尖沙咀科學館道14號新文華中心地下72A號舖