必點招牌菜

今晚返學由1930至2130，又要作戰啦！作戰前必定要吃得飽，一提到要「平。靚。快。正」便想起冰室或茶餐廳，今晚就遇到前者，這間樓下冰室。

紅色和綠色配搭，好搶眼！

 

裝潢富心思

親民獨特

有闊落的卡座

冰室以紅色和綠色配搭，好搶眼！地板和牆身均是格仔瓷磚紋，加上搭建了邨屋商場場景，裝潢富心思，感覺懷舊親民，很獨特！設有一排排的四人枱，亦有面牆的單人位，還有闊落的卡座，出入通道亦寬闊，坐得舒適。

很多選擇

色彩豐富，好吸引

很多選擇

餐牌設計精美，附上多張菜式圖片，色彩豐富，好吸引。有皇牌推介、泡飯米線、套餐、百搭飯、特色主食、冰室推介、特色小食等等，很多選擇。

***************************

三餸蕃茄濃湯通粉配牛乳炒蛋好豐富！

有不少鮮茄粒，用料十足

跟滑嘟嘟的上海麵同吃，好滋味！

三餸蕃茄濃湯通粉配牛乳炒蛋（$66）揀了鮮牛肉、芝士波菜和素菜，好豐富！先呷一口濃湯，熱度十足，啖啖鮮活的蕃茄味，湯中有不少鮮茄粒，用料十足，難怪味道如此香濃，酸咪咪，好醒胃，跟滑嘟嘟的上海麵同吃，好滋味！

芝士菠菜牛乳炒蛋香滑豐富

全部食材都不錯！

鮮牛肉腍嫩，牛味濃；芝士菠菜連牛乳炒蛋一起製作，變得更豐富，不但保持香滑，亦多了芝士的鹹香和菠菜香，更好吃！素菜有甜美的粟米粒、清爽的蔬菜、爽口的菇片和支竹，全部食材都不錯！

***************************

招牌瑞士雞脾鹹香帶點甜，烹調入味

啖啖肉

招牌瑞士雞脾（$32）是招牌菜之一，必吃！霧着煙上枱，熱度十足。大大隻，啖啖肉，肉質紮實，但絕不嚡口，味道鹹香帶點甜，烹調入味，果然是招牌菜，正！

***************************

焗芝士西蘭花非常爽脆新鮮

簡單而美味

焗芝士西蘭花（$42）焗至金黃，賣相一流！份量十足，熱度亦十足，西蘭花非常爽脆新鮮，不會太腍身，仍存咬口，配上鹹香的芝士和甜美的粟米，簡單而美味。

***************************

熱話梅柑桔蜜甘甘甜甜

熱話梅柑桔蜜（$14/跟餐）入口暖笠笠，味道甘甘地，又酸酸甜甜，滋潤順喉。

----------------------------------

原來這間冰樓是蕃茄湯和瑞士雞脾專門店，今晚兩樣都試齊，果然無我失望，所以真是要必點招牌菜，如果我家樓下有間樓下冰室就好了。

 

店名：樓下冰室

地址：鰂魚涌英皇道967號地下