牛迷之選

今日同男朋友去油麻地果欄掃水果，雖然有好多收穫，但真係幾累…..就即刻坐低醫肚回下氣先。男朋友就帶咗我去一間他食過幾次的粉麵店，這間店是專食牛。

光鮮企理

貼咗多張菜式相片

 

地方不算大

環境光鮮企理，內裏地方不算大，設有數張二至四人枱。牆上仲貼咗多張菜式相片，睇到都覺得好餓，好想食。

主打牛類粉麵飯

亦有其他菜式

主打牛類粉麵飯，但亦有排骨、雲吞、雞類、蔬菜和飲品等菜式。

 

清湯牛三寶河分別有牛腩、牛肚和牛筋

牛肚每件都幾大件，夠晒爽滑

男朋友必定要清湯牛三寶河（$62）啦!河粉又白又滑，湯底並非腩汁，而係清湯，就同河粉薯一聲滑入口。有邊三寶？就係牛腩、牛肚和牛筋，各有二至四件。牛筋夾雜少許肥膏，腍滑中帶爽，富有膠質；牛腩啖啖肉兼有層肥膏，腍嫩肥美，牛味幾香；牛肚每件都幾大件，夠晒爽滑。

菜肉雲吞粗麵每隻雲吞都好飽滿

粗麵有咬口

有肉香和韭菜香

我就要菜肉雲吞粗麵（ $45），粗麵有咬口，煮得剛好，不錯!。菜肉雲吞共四隻，每隻都好飽滿，韭菜同肉的比例差唔多，有肉香和韭菜香，皮薄饀靚！ 

腐乳通菜幼嫩，鹹香惹味

另要碟腐乳通菜($19)，一向是最佳拍檔。條條幼嫩，色澤翠綠，加埋旁邊的腐乳，自己鍾意點幾多就點幾多，鹹香惹味。 

熱檸檬蜜及熱檸賓足足有三大塊檸檬

熱檸檬蜜（+$8/跟餐）足足有三大塊檸檬，一點也唔吝嗇。酸咪咪的檸檬加了甜美的，既滋潤又解膩。熱檸賓 （+$8/跟餐）都係有三塊檸檬，酸咪咪的檸檬加了微甜的利賓納，酸酸甜甜，好醒胃。

 

店名：正九清湯腩

地址：油麻地文明里11-13號常安樓地下1號舖