下廚好幫手

極上珠姐XO醬是下廚好幫手

用料十足，相當矜貴

友人送上奇華餅家出品的極上珠姐XO醬，俾我用來下廚，大顯身手就最適合不過。一把樽蓋打開，香辣的味道直湧鼻子，馬上刺激味蕾，令人垂涎三尺。滿載元貝絲、蝦米、金華火腿絲等材料，相當矜貴，的確是送禮的最佳選擇。

***************

清蒸豆腐配XO醬超簡單又有健康

伴些XO醬，為豆腐添上鹹香微辣

今晚食乜餸呢？用極上珠姐XO醬整了兩餸，先是一道超簡單又有健康的【清蒸豆腐配XO醬】。將豆腐切件，蒸6-8分鐘，完成後灑上黑白芝麻。沒有加入其他調味，只是吃時伴些XO醬，為清淡的豆腐添上鹹香微辣，美味得多。

***************

XO醬炒野菌雲耳蘆筍味道鹹香惹味，配搭一流

另一道是【XO醬炒野菌雲耳蘆筍】，先將野菌雲耳切細件，蘆筍切段。爆香蒜片，下野菌和雲耳炒至微微軟身，再落蘆筍加少少水炒，最後再加入XO醬爆幾分鐘，散發香辣味便熄火。各食材本身清新爽嫩，加了XO醬後，味道鹹香惹味，配搭一流，正！不得讚自己。

-----------------------

用料十足的極上珠姐XO醬的確可為食材更添美味，以上兩道菜式不單止易煮，仲又健康又好味，其實仲有幾道菜式想用極上珠姐XO醬烹調，如XO醬炒腸粉、XO醬炒西蘭花帶子、XO醬蒸排骨等等，它真是下廚好幫手。

店名：奇華餅家