秋冬菜式

抗疫期間大家留在家中會做乜呢? 我就學人地做抗疫廚神，在家不停下廚，今日就整了兩味。大家估唔估到我整乜菜式呢? 提示：秋風起，食…...無錯! 就是食臘味，既暖胃又美味。今次我就用咗奇華鮮肉臘腸和鴨膶腸炮製兩味，如果大家都喜歡食臘味的話，可試整呀!

****************

奇華切肉臘腸真空包裝

內附一份小冊子

寫上簡介和最佳食法

兩款包裝盒上均印有一個浮水印的煲仔, 中間畫了孖腸, 設計簡單, 但很具代表性。以棗紅色盒盛載的奇華切肉臘腸($188/10條裝)，一盒五孖，共十條，內附一份小冊子，寫上簡介和最佳食法，但我就有我「煮」意，哈!

紅潤肥大，陣陣肉香

食材吸收臘腸的油香，更添美味

真空包裝的臘腸條條紅潤肥大，瘦肉與肥肉層次分明，色澤鮮明亦能見到肥肉粒，拿上手不會太油膩，還聞到陣陣肉香。我先把它切件，蒸一陣，然後用來炒甜豆、雲耳和洋蔥。沒有下太多油，用返臘腸蒸出來的油同煮，讓食材吸收臘腸的油香，更添美味。鹹鮮的臘腸帶些酒香， 吃起來不感油膩， 外層的腸衣薄而脆口，而內肉軟硬度適中，好吃!

***********************************

奇華鮮鴨膶腸香氣四溢

條條粗大，色澤亮澤

至於奇華鮮鴨膶腸($110/4條裝)條條更加粗大，色澤深且亮澤，同樣清楚看到肥膏粒, 跟鴨肝分明。一打開，香氣四溢，不禁垂涎，而摸上手亦不會太油淋淋。

用它來煲飯，非常簡單

打開電飯煲，全屋都香噴噴

今次用它來煲三色飯，非常簡單。先洗好米，然後放入一條鴨膶腸，再豐富一點，加了兩隻雞鎚和冬菇。登登登…..一碗鴨膶腸飯出場啦，一打開電飯煲，全屋都香噴噴，其實未打開蓋都已不時聞到陣陣香氣，好吸引。

鴨膶腸油潤軟腍，酒香馥郁

上碗前把鴨膶腸切件，再加多幾條芥蘭，又靚仔又豐富。鴨膶腸外表亮澤泛油光，肉質細緻，夾雜着通透的肥肉，油潤軟腍，酒香馥郁，味道久久留待口中，教人回味。別忘與鴨膶腸一同蒸煮的米飯，由於少 飯，加埋煲耐一點，故做到飯焦添，而且每粒米飯都能吸收到鴨膶腸的油香， 美味得令人忍不住口 “爬”多幾啖。

----------------------------

今次用了奇華鮮肉臘腸和鴨膶腸炮製了這兩款秋冬菜式，唔知大家鐘唔鐘意呢? 我自己就吃到津津有味，哈!

 

店名：奇華餅家

地址：將軍澳貿業路8號新都城中心2期1樓1029號舖