令人懷念

今年聖誕假期不但不能旅行，還要常常stay at home，做咩好? 我和朋友都喜歡不停整、不停整、不停整……最喜歡就是搓包和焗蛋糕，所以今晚就約埋一起去觀塘烘焙店大量入貨。

店名燈箱好有日本feel

買到失晒理智，連時間都忘記了…… 6:00pm禁堂食，唯有外賣啦！的確已很久沒有捐窿捐罅走進工業大廈覓食，今晚就在烘焙友介紹下來到這間日式小店。門口的店名燈箱好有日本feel。

全是高身木枱

用日式布簾間開廚房

拉門而入，正正方方的格局，地方不算很大，環境光猛。內裏設有數張有二至六人高身木枱，亦有單人的長木枱，而另一邊的廚房重地就用了日式布簾間開。

外賣單張

選擇都唔少

選擇都唔少

看看外賣單張，有牛肉丼、西冷丼、親子丼、豚角丼、雞丼、漢堡扒丼、湯咖喱定食、什錦關東煮配烏冬、小食和飲品，還有可追加湯物，選擇都唔少。每款選擇均配味噌湯或玄米茶。

**********************

夠晒滿足

一見到湯咖喱就令我回想起前兩年的日本之旅，今晚就選湯咖喱吧! 在五款中，揀了牛肉湯咖喱定食，再追加兩款湯物和一盒飲品，夠晒滿足。

牛肉湯咖喱定食配烏冬份量十足

咖哩湯香濃又不會太辛辣

烏冬滑身彈牙

烏冬配上咖哩湯好滋味

牛肉湯咖喱定食Beef Soup Curry轉烏冬($62+$10)份量十足，一大碗牛肉湯咖喱和一大碗烏冬，分開盛載，烏冬不會浸至發脹和淋晒，讚! 一打開蓋子就聞到陣陣咖哩香，好誘人！咖哩湯稀稠度適中，香濃得來又不會太辛辣，吃落又不漏滯，單單喝它已不錯，用來拌烏冬就更正。將烏冬浸在咖喱湯一會，每條烏冬緊緊掛上湯汁，滑身彈牙之餘，配上香濃的咖哩湯好滋味！

肥牛嫩兼油潤

多款瓜菜配上咖哩更好吃

仍存咬口

咖哩湯面除了有不少肥牛外，內裏還有不同的瓜菜，好豐富。肥牛夾雜油潤的肥膏，肉質嫩，好吃! 瓜菜包括有茄子、薯仔、蓮藕、紅蘿蔔、菇等，全部都色澤亮麗，仍存咬口，配上咖哩更好吃。 

昆布爽滑

唔好睇杯味噌湯 Miso Soup($0/跟定食)細細咁，原來倒出來都有全碗。味道剛好，唔會太鹹，內有爽滑的昆布，單而美味。

**********************

築前煮和關東煮各選一款

蓮藕鹹咗少少

厚揚豆腐滑溜，味道岩岩好

築前煮和關東煮各有五款，在當中選了蓮藕Lotus Root和厚揚豆腐Simmered Fried-Tofu ($9/一款；$16/兩款)。蓮藕挺爽口，咬出蓮藕絲，口感佳，但略為鹹咗少少；厚揚豆腐的確相當厚身，半浸在湯中，又滑溜又有豆香，這款味道就岩岩好，喜歡!
**********************

Kikkoman咖啡豆乳岩晒我口味

見Kikkoman豆乳共有七款口味，有啲在商巿都未見過，就要了盒咖啡味豆乳 Coffee Soymilk($12)，一盒200ml。咖啡味不會太濃，又有豆味，岩晒我口味。

---------------------------

今晚潛入工業大廈找到這碗湯咖喱，令我想起兩三年前跟朋友在北海道街頭小巷找到的那碗湯咖喱，同樣美味，邊吃邊令人懷念，很想飛去呀!

 

店名：犢食

地址：觀塘巧明街105號好運工業大廈3樓D室