今日打算扮全日乖乖囡，陪兩老喺灣仔飲完茶，還打算陪他們返屯門吃埋晚飯。
店子門面光鮮
 |
| 多不同種類的滷水食品 |
來到灣仔街巿，打算買餸下廚，但老爸見到間滷水店就話：我少回家吃飯佢就少斬料加餸。佢嗰樣好似好想食咁……店子門面光鮮，掛滿肥美的滷水鵝鴨，亦擺放了很多不同種類的滷水食品，咁多選擇，老爸睇到流晒口水，哈！
很多選擇
雜誌報導 
抵到呢…
細閱貼在門口的餐牌，滷水食品有滷水鵝鴨、鵝翼、鵝掌、豬手、鵝腎、豬耳、豬大腸、雞翼、豆腐、雞蛋等等，還有飯類，而原隻雞脾飯連飲品都只是$25，抵到呢….老爸會揀咩呢? 最後要了一隻細滷豬手、半隻滷水鴨、兩件滷水豆腐、四隻滷水雞蛋，一家四口食，好豐富！
滷水汁和酸汁
好豐富！
看着師傅手起刀落，聽着響亮的斬切聲，加埋站在廚窗前聞着那份濃濃的鹹香滷水味，真的不禁垂涎！臨走時，店員還在枱上拿了滷水汁和酸汁各兩包給我。
***************************
半隻滷水鴨好有份量 
老爸悉心地把每件逐一放在碟上 
每件大小相若，厚度適中
回到家馬上打開盒子，嘩！無諗過半隻滷水鴨 （$65/半隻）有咁多，好有份量。師傅刀功了得，每件大小相若，厚度適中。老爸悉心地把每件逐一放在碟上，好開心咁！
鴨脾上的一件相當香嫩 
淨肉就啖啖肉
先嚐鴨脾上的一件，肉質相當香嫩，鴨皮下連帶一層薄肥膏，吃起來甘香油潤，但又不會覺得太肥膩，正合我心意。老爸試一件淨肉，肉質雖不及連骨的位置腍嫩，但啖啖肉是他最愛。
酸汁酸咪咪，另一番美味 
滷水汁更濃更鹹香
老爸試試蘸上滷水汁，話味道更濃更鹹香；而我就喜歡配酸汁，酸咪咪，吃出另一番美味，喜歡！
****************************
滷水豬手起了主骨再斬件 
每件大小相若，厚度適中
老媽唔食鴨，就揀咗隻滷水豬手（$54；$75/斤）。師傅起了豬手的主骨再斬件，同樣每件大小相若，厚度適中。
相當入味 
不算肥膩，完全無邪惡感
滷得相當入味，不用蘸上調味汁每件存有薄薄肉筋，挺有咬口，但絕不嚡口。個人更喜歡少少煙韌的豬手皮，皮肉之間夾着少許油潤甘香的肥膏，不算肥膩，完全無邪惡感，吃得放心。
****************************
滷水雞蛋和 滷水豆腐是我最愛 
份量好足 
滷水雞蛋滷水香和蛋香兼備
我還揀了兩款最愛，先嚐滷水雞蛋（$20/4隻）中等大小，蛋白富彈性，蛋黃則粉綿，烹調入味，滷水香和蛋香兼備。
滷水豆腐豆味香濃
滷水豆腐（$20/2件）外皮金黃柔韌，內裏腍嫩，淡淡的滷水味，豆味香濃，正！
----------------------
斬料加餸，吃得開心
難得回家吃飯，又遇到一間美味的滷水店來斬料加餸，兩老吃得開心，我就滿足！
店名：潮洲滷
沒有留言:
張貼留言