一個好名

之前送友人返夜學時已發現這間新店，誓要搵日來吃飯，皆因我很喜歡這個店名。「七月」一個好名，是我的生日月份，所以特別有親切感。

「七月」一個好名

環境光猛，整齊企理

地方都幾大，坐得舒服

門面仲用上我最喜歡的綠色，更吸引我。內裏環境光猛，整齊企理，設有三排四人枱，兩旁係卡座，地方都幾大，坐得舒服。

晚巿選擇不少

晚巿選擇不少

晚巿選擇不少

晚巿選擇不少，有餐室新品、小炒套餐、馬來咖喱系列、焗飯/麵、炒飯/粉麵和飲品。每客小炒奉送白飯、老火湯和飲品半價。

粟米紅青蘿蔔豬骨湯很有家的味道

湯料好足

是日老火湯($0/跟餐)是粟米紅青蘿蔔豬骨湯，湯面沒有泛油光，湯料有紅蘿蔔、青蘿蔔、粟米、南北杏等，少油少鹽，味道合宜，煲得夠火喉，很有家的味道。

************************** 

豆腐青衣魚柳煲熱辣辣上枱

豆腐外皮柔韌，內裏滑溜

魚柳金黃微脆

豆腐青衣魚柳煲($75)熱辣辣上枱，正！豆腐和魚柳都唔少，全部都大大件，仲配了不少草菇，好足料。魚柳外微脆，內肉一梳梳；豆腐外皮柔韌，內裏滑溜，兩者都好入味！

**************************

蝦醬蒸豬頸肉鹹香惹味

肉嫩帶微爽

蝦醬蒸豬頸肉($72)註明需時15分鐘，即點即蒸，所以熱度十足！豬頸肉嫩帶微爽，啖啖肉，唔算好肥，配上鹹鮮的蝦醬，鹹香惹味，用來送飯一流！

**************************

蒜蓉炒芥蘭翠綠爽嫩

另加一碟蒜蓉炒時菜（$58），選了炒芥蘭，條條翠綠粗壯，咬落去好爽嫩，完全無渣，炒得好有鑊氣，帶些蒜香，味道剛好。

************************** 

奶茶紅豆冰和咖啡紅豆冰幾夾

紅豆差唔多佔一半，落足料

奶茶紅豆冰（$13/跟餐半價）和咖啡紅豆冰 （$13/跟餐半價）都相當吸引，估唔到咁大杯添，而且紅豆差唔多佔一半，真係落足料！咖啡略為苦，但跟甜美的紅豆拌勻同吃味道就岩岩好；奶茶就茶味香濃，估唔到都同紅豆幾夾！紅豆大大粒，粉綿好吃，食下食下，差唔多食晒，真係夠晒飽肚。

---------------------------------- 

「七月」不止好名，仲好食，七月再來，哈！

 

店名：七月餐室

地址：九龍灣宏開道19號健力工業大廈地下2B號舖