必食手撕雞

本以為有連續三天假期，可惜今個星期六突然要去深水埗上有關工作的工作坊，仲要九時至六時，真係…..嗚…..!工作坊一完結就跟同事吃餐好，當作心靈的慰藉。同事是深水埗的地膽，帶我來到這間小店吃手撕雞。

門口好搶眼!

大大個店名燈光招牌，好搶眼! 門口放了多塊餐牌，好多選擇咁。內裏環境光猛，設有數張二至四人枱，座位不多，地方雖少，但整齊企理。

選擇不少

選擇不少

選擇不少

選擇不少

菜式選擇不少，有涼拌小食、飯/濑粉/米粉類、鵝油撈麵人火水、雙拼燒味類、二/四人套餐、小食、手撕雞腸粉、燒味例牌和飲品。

*************************

麻辣手撕雞 好大碟

啖啖肉

沾上辣油，香辣美味

友人第一時間點了半隻麻辣手撕雞 ($68/半隻) ，好大碟，啖啖肉之外，亦加埋雞骨一同上碟，正！我最喜歡噒骨，貪骨邊的肉夠嫩滑，哈！雞肉有咬口，但絕不嚡口，全部都沾上辣油，香辣美味，仲越食越火辣，友人越食越滋味！

************************* 

海蜇手撕雞腸粉未影相就食了一些

腸粉口感和味道都佳

海蜇味道美味!

手撕雞味道鹹香

海蜇手撕雞腸粉 ($48) 是必食之選，還未影相就食了一些，忍不住口呀！腸粉柔嫩有彈性，口感佳，淋上甜醬、麻醬和芝麻，是最佳的拍檔，喜歡！手撕雞同樣啖啖肉，肉質比麻辣手撕雞嫩，味道鹹香，仲有些麻油香，我個人就較喜歡它多於麻辣味。海蜇口感更佳，相當爽彈，烹調入味，嚐到麻油香之餘仲帶點辣，味道美味!

*************************

醬皇冬菇扒生菜超抵食! 

冬菇又爽口又入味

生菜淋上醬皇汁，添上鹹香

醬皇冬菇扒生菜 ($20)大大碟，超抵食! 多隻一啖一口的冬菇，又爽口又入味，好好味! 生菜又青綠又爽嫩，淋上醬皇汁，添上鹹香，不錯!  

*************************

麻辣雲耳牛肚絲越食越辣，好過癮! 

牛肚絲香辣美味

雲耳細細瓣，口感爽脆

辣上癮，再來一碟麻辣雲耳牛肚絲 ($38)，香辣惹味。件件雲耳細細瓣，一啖一口，口感爽脆，帶有點麻油香，簡單而美味!牛肚絲有咬口，香辣美味，同樣越食越辣，好過癮! 還有舖底是清爽的青瓜絲，沾上辣油，正!

*************************

粟米粉葛雞湯好夠火喉

是日例湯為粟米粉葛雞湯 ($0/跟主食)，色澤濃厚，沒有泛油光，散發陣陣香氣。趁熱呷一口，味道鮮香，不禁讚出口，店員話用了不少雞殼肴成，難怪如此鮮味，仲加有粉葛、粟米等，用料十足，加上少油少鹽，啖啖滋潤順口，好夠火喉，可否再來一碗呀?

 

熱檸蜜滋潤解膩

熱檸蜜 (+$5/追加價) 內有四片檸檬，絕不欺場，酸咪咪加了甜美的蜜糖，滋潤解膩，一解火辣。

-----------------------------------

友人話他每次來到都必食手撕雞，我就覺得除了手撕雞是必食外，還有海蜇、腸粉、老火湯和醬皇冬菇都都好值得推介!

 

店名：炯記手撕雞

地址：深水埗汝州街257號地舖