抵食又好食

全新的景林食街

今日天氣咁好，就決定搭「11巴士」，即係我的雙腳，跟朋友一起由坑口行返寶琳。途中竟發現全新的景林食街，好耐沒有來，估唔到煥然一新，仲有好多食店，岩晒我!

可外賣，亦可立食

今晚食越南菜

景林食街可外賣，亦可立食，我地想食得舒服，當然買回家。在多間食店中，我倆決定今晚食越南菜。

選擇都唔少

選擇都唔少

選擇都唔少

不同優惠，堅抵!

抵食二人套餐

小店選擇都唔少，有撈檬粉、喇沙、飯、湯河、小食和飲品，還有抵食二人套餐，包兩主食、三小食、兩飲品和兩甜品，而惠顧任何粉麵就可以$5配飲品/甜品及$10享指定特色小食，堅抵!

好豐富呀!

香茅豬扒拼蝦餅撈檬粉份量十足

嘩! 點下點下，好豐富呀! 夏日炎炎，吃碗涼涼地撈檬粉就最岩，香茅豬扒拼蝦餅撈檬粉($35)大大碗，不論檬粉和餸料都份量十足。檬粉又彈牙又滑嘟嘟，淋上撈檬粉汁，再配上酸蘿蔔，酸咪咪，越食越醒胃。

香茅豬扒香口入味

蝦餅彈牙鮮味

豬扒香口入味，有咬口得來又唔嚡口，啖啖肉，滿足! 蝦餅相當彈牙，好有鮮味，仲食到粒粒蝦肉，正!

 ***************************

越式大蝦喇沙金邊粉味道好香，又唔會好漏

越式大蝦喇沙金邊粉($32)將湯和粉分格放，唔好令金邊粉浸都腍晒，讚! 將金邊放入喇沙湯中浸一會已索了香辣的喇沙味，喇沙湯身雖不濃厚，但味道好香，辣味仲久久留在口腔，食落又唔會好漏。

估唔到大蝦真係咁有份量

豆卜索晒喇沙湯

嘩! 嘩! 嘩!估唔到所寫的大蝦真係咁有份量，應該是虎蝦，爽口彈牙，仲有蝦味，真係絕不欺場。另外，湯中還有大量爽嫩的芽菜和兩作索晒喇沙湯的豆卜，好滋味!

*********************

越式串燒燒得剛好

越式串燒($20/3串)有齊三款肉，牛肉、豬肉和雞肉各一串。三款都燒得剛好，嫩兼有肉汁，特別是雞肉。牛肉和雞肉都有沙嗲香，以豬肉味道就甜甜地，友人喜歡牛味香濃的牛肉串，而我就喜歡肉嫩的雞肉串。

 ********************

墨魚餅好彈牙

有粒粒爽口的墨魚粒

墨魚餅($35/3件)同樣好彈牙，食到粒粒爽口的墨魚粒，再點啲越式酸甜醬更好味!

 今晚發現到這間又抵食又好食的小店，真係好似執到寶咁，哈! 唔知這條食街其他小店又點呢? 下次再試試。

 

店名：越食 

地址：將軍澳寶琳北路38號景林商場景林街市地下T-KL9號舖