點食得晒呢？

很久沒有燒烤，難得有朋友同行，仲話明佢燒我食，當然要去啦！為就我放工方便，今晚揀了位於觀塘這間燒烤店，其實唔止燒烤咁簡單，仲有勁多選擇添！

非常搶眼的店名招牌

地方寬敞

出入通道又夠闊

一出升降機門就見到非常搶眼的店名招牌，門口幾闊落。內裏環境光猛，地方寬敞，分兩邊用餐區，設有一排排長椅和一行行卡座，座位好多。而中間就是食物自助區，放得夠集中。座位亦很寬闊，而出入通道又夠闊，方便取食物，環境不錯！

好經濟實惠

自助區好豐富，別好以為只是自助餐咁簡單，還有燒烤放題和火鍋放題，太誇張了!星期一至五，7:00PM前離座及包刺身，成人收費$178+10%，真是好經濟實惠。

******************************

巨大的凍櫃

多款養生茶料

斟酒機

先揀飲品作好準備，飲品自助區都分三處，除了有個巨大的凍櫃放滿汽水、果汁、清涼茶、紙包飲品等等外；另一處還有斟酒機，包括梅酒和清酒；仲有熱飲處，有多款養生茶料，任由食客自己配搭，極豐富。我就要了杯梅酒，而朋友就取了盒解茶，解渴解膩，用來配燒烤就岩。

多款火鍋配料

熟食

燒烤配料

燒烤配料

多款火鍋配料

多款火鍋配料

沙律

冷盤

刺身、壽司

點心、炸物

自取區有極多選擇，分別有多款火鍋配料、燒烤配料、點心、炸物、冷盤、沙律、刺身、壽司、熟食、老火湯、糖水、甜品、雪糕等，最值得一讚是不止refill 咁簡單，一定不用擔心食唔飽，哈!

*****************************

椒鹽三文魚金黃香脆，最推介!

朋友先攞轉燒肉，他在努力燒之際，我就到自助區取些熟食，取了椒鹽三文魚、蒜蓉菜心、青尖椒、豬紅和咕嚕肉。最推介是椒鹽三文魚，炸得金黃香脆，連骨都脆到可以食埋，而魚肉亦好嫩和肥美油潤，好美得encore 再encore! 蒜蓉菜心也不錯，翠綠爽嫩，好有蒜香。

小籠包皮薄饀靚

還在點心區取了小籠包和福袋，一碗一隻，岩岩好！小籠包不單止賣相吸引，味道亦不錯，皮薄饀靚，充滿肉汁，好吃!

 *****************************

慢慢燒慢慢食

各款肉類都醃很好入味

食完一輪熟食差不多可吃燒物，時間夾得剛好，哈! 朋友取了翠肉瓜、菠蘿、手指紫薯、冬菇、雞腎、叉燒、豬扒和牛扒。各款肉類都醃很好入味，味道鹹香，最喜歡燒叉燒，香口入味，肉質油潤肥美；雞腎也不錯，爽口香辣；燒菠蘿入口暖暖的，味道清甜多汁。

有三款魚

慢慢燒慢慢食

值得再encore!

今次輪到我去取燒物，揀了三款魚，有香草龍脷柳、韓式龍脷柳和鯖魚，另加蜜汁金沙骨、咖喱雞軟骨、一口牛和韓式豬頸肉。雞軟骨辣辣地，相當爽脆，好吃! 蜜汁金沙骨非常入味，嫩肉中夾雜肥膏；韓式豬頸肉又爽又嫩，同樣好入味，三款都好值得再encore!

甜品

雪糕

有蜜瓜味和伯爵茶味，後者好味

還有很多款食物未食，但已經飽了八成，只好進攻甜品。雪糕口味相當多，仲幾有特式，包括有咖啡味、蜜瓜味、抹茶味、伯爵茶味、芝士味、朱古力芝士味、玄米茶味等等，令我選擇困難，最後要了蜜瓜味和伯爵茶味，前者好似某牌子的蜜瓜豆奶味，而後者茶味香濃，口感幼滑，正!

------------------------------

老實說，我倆都不是大食之人，食了燒烤、熟食和甜品都已經飽晒，還有刺身、壽司、炸物，連火鍋都無食，其實咁豐富點食得晒呢？

 

店名：校長燒肉日韓料理

地方：觀塘開源道68號觀塘廣場15樓B號舖